ﻋﺸﮓ ﺧﺮﺳﺎﻥ
ﺑﺮﺩ ﻭﺍﻟﺤﯿﻄﺎﻥ ﺗﺮﺟﻒ
ﻭﺍﻟﻌﺠﺪ ﻣﮑﺴﻮﺭ ﺧﺎﻃﺮ
ﺍﻟﮑﻮسر ﺍﻣﮑﺰﺑﺮ
ﻭﺍﺣﺲ ﺍﻟﺪﻧﯿﻪ ﭼﻦ ﺿﺎﯾﺞ ﺧﻠﮕﻬﻪ
ﺍﻧﮑﺖ ﺍﻓﺮﺍﺷﯽ ﻭ ﺍﺩﻭﺭ ...
ﻋﻮﺩ ﻫﻠﺒﺖ ﺷﺒﮕﻪ ﻣﻨﮏ ﺑﺎﻗﯿﻪ ﺍﺑﺤﻀﻦ ﺍﻟﻤﻠﻔﻪ ..
ﻫﻠﺒﺖ ﺍﻟﻠﻪ ﻭﻋﻠﻪ ﺍﻟﻮﺍﻫﺲ ﺑﯿﻬﻪ ﺍﺩﻓﻪ
ﻭﻣﺎﮐﻮ ﻏﯿﺮ ﺍﻟﻌﺒﺮﺍ ﻭﮐﺤﻪ ﺍﺑﻼ ﺧﺠﻞ ﺑﺎﺳﺖ ﺍﻟﺸﻔﻪ
ﻭﺩﻭﺭﯾﺖ ﺍﻋﻠﯿﮏ ..
ﺣﻀﻦ ﺍﻟﻐﯿﻢ ..
ﻭﺍﻟﻨﮕﺎﻁ ..
ﻭ ﺍﺩﺭﺍﺑﯿﻦ ﺣﯿﻨﻪ
ﻣﺎﮐﻮ ﻧﻬﺘﺖ ﺭﯾﺢ ﻭﺗﺪﻟﯿﻨﯽ ﺑﯿﮏ
ﺍﻧﺸﺪ ﺍﻟﻌﺒﺎﺭﺍ ﻭﻟﺼﻮﺑﺎﻁ ﻭﺧﺪﻭﺩ ﺍﻟﻤﺸﺎﯾﺮ
ﯾﺎ ﻋﺸﮓ ﺧﺮﺳﺎﻥ ﺷﯿﺐ ﺑﻞ ﺍﺷﺎﯾﺮ
ﺍﻧﺸﺪ ﺍﻟﯿﻨﺸﺪﻧﯽ ﻋﻨﮏ ..
ﻭﻟﻨﺘﯿﺠﻪ ﺍﺛﻨﯿﻨﻪ ﺍﻧﺴﻠﯽ ﺍﺑﻌﻀﻨﻪ
ﺗﺬﮐﺮ ﺍﯾﺎﻡ ﺍﻟﻄﻔﻮﻟﻪ ﭼﻨﻪ ﻧﻠﻌﺐ ﻫﺎ ﻭﺻﻠﻨﻪ ﻟﻮ ﺑﻌﺪﻧﻪ؟
ﯾﻞ ﺧﺬﯾﺖ ﺍﻭﯾﺎﮎ ﮐﻠﺸﯽ ﻭﺣﺘﯽ ﺁﻧﻪ
ﺍﻋﻠﻪ ﺍﻟﺘﺠﺎﻓﯽ ﺍﺷﻮﻫﺪﻧﺎﮎ؟
ﺟﺎﯼ ﺍﺳﺄﻟﻚ ﺑﻌﺪﻙ ﺍﻧﺘﻪ؟
ﺑﻌﺪﮎ ﺍﻧﺘﻪ ﺍﻟﻤﻦ ﺍﺷﻢ ﺷﺎﻣﻪ ﺍﻟﺒﺼﺪﺭﮎ ﺑﯿﻪ ﺗﺬﺑﺢ ﻣﺴﺘﺤﺎﮎ؟
ﯾﺎﺧﻀﺎﺭ ﺍﯾﺎﻣﯽ ﺟﯿﺘﮏ ﻣﺮﺳﻞ ﻭﻗﺼﺪﯼ ﺍﻟﻬﺪﺍﯾﻪ
ﻭﺟﯿﺖ ﻣﻦ ﺩﯾﻦ ﺍﻟﻬﻮﺉ ﺍﻗﺮﺍﻟﮏ ﺁﯾﻪ
ﺟﯿﺘﻠﮏ ﻣﺸﺘﺎﮒ ﻃﺸﺮﺕ ﺍﻟﺸﻮﺍﺭﻉ
ﺍﺟﺪﺍﻣﯽ ﺳﮑﺮﻥ ﺑﻞ ﺗﻌﺐ ﺷﺮﺑﻦ ﺣﺮﺛﺘﮏ
ﺍﻟﻠﻪ ﻭ ﺍﻟﻬﻢ ﻭﺍﻟﺤﺮﺍﻡ
ﻭﺧﻮﻑ ﺍﻫﻠﻨﻪ
ﺫﻧﯽ ﮐﻠﻬﻦ ﻣﺴﺘﺤﺒﺎﺕ ﺍﻟﻌﺸﮓ
ﻭﺍﺟﺐ ﺷﺒﮕﺘﮏ
م
رد مع اقتباس
