المشاركة الأصلية كتبت بواسطة مريم الحبيبه
مساجله حسين الساعدي
ومريم حسين
جابتني روحي اليوم عتتني يمك
كتلها وين انروح؟كلتلي بأسمك!
مريم
اهلا وسهلا بيج صبحية العيد
لجلج لغيت اليوم كل المواعيد !
االساعدي
تذكر ابجنه وجان ؟ قصة هوانه!
كلبي البقه وياك رده المجانه!
مريم
اذكر بعد والروح من راحت اوياج!
ما ردت الهل يوم ما ترضه تنساج!
االساعدي
عال الزمان اهواي ويانه كلش!
واشكد بنينه احلام هو اليفلش!
مريم
مو بالزمان الصوج كلمه ارد اكلج !
جيت ارد اخطبج عود ما قبلو اهلج !
االساعدي
ما قبلو اهلي ابهاي وانه ادري بيهم !
صدكني بالدمعات واعتب عليهم!
مريم
ما تنفع الدمعات وتأذي العيون
اهلج هذاك اليوم خلوني مجنون !
االساعدي
عوف العتب يحسين جيت ارد اعايد!
طبع السماح ايلوك ويه السواعد!
مريم
عفت العتب والعين كفت دمعها
بشريني روحي اشلون هسه ابوضعها!
االساعدي
روحك ابروح الروح ماكو اغله منها !
شنهي الجره وهاليوم تسألني
عنها!
مريم
هليله ليلة عيد ومهود الجروح
وافرح اذا مريت وترجع الروح !
االساعدي
جيتك والك روحين عيديه مني
روحك وروحي انوب بيدك هذني!
مريم
ما فاطر اويه ناس واكلي ابمكانه
صدكت هسه العيد من شفتج انه !
االساعدي
صدكني انته العيد وعيوني الاثنين
من شفتك ارتاحيت واحلف بالحسين!
مريمكل هذا وتريد انساك!
ولك شنهي الينسيني؟
عندي شرط لو انساك
وانسه البينك وبيني
اخذ ذكراك من البال
واخذ الصوره من عيني!
اذا تكدر حبيبي ابهاي
اوافق وامسح اسنيني
لكن بقت بس الروح
ماتقنع تجافيني!
اتوقع تروح اوياك
اذاصدفه وتلاكيني!
االساعدي
