هنا

[ارجع يازمان]

دمعي البجيته اعليك لو اجمعه بالخاص
جا فطر االصيام كل صايم اكلاص!!
حسين االساعدي

[ارجع يازمان]

أأخ ياناس الكبل اهل المحنه الماتخون اظنونهم!
جانوا ابكل البرائه وجنهم اطفال الصدك بعيونهم!
هسه راح الصدك منه لان يمكن مايعيش ابدونهم!
جانوا ابلون الطبيعه وابد ماغشوا ابصبغه وما تصبغ لونهم!
ليش فَتحت الجروح وصورتلي اظعونهم!
هلبت ايرجعون لينه حتى اشوف اشلونهم!
ودعونه ابكلب ابيض من الف هيعونهم
من الف هيعونهم!
االساعدي

[ارجع يازمان]

خل نكتب اعله الريل وين اليكتبون!!--ضلت ترابي اهواي تعبانه العيون!!
حتى المحطه اهناك هم لطمت اوياي---لمن وصلها الريل ماجايب اهواي!
كالالي ذاكه الريل وبصوته محزون_ رد الهلك يحسين ماظن يرجعون!
شالوا السجه اشلون يرجعلك الريل!!--جنك غشيم ابهاي ومضيع الحيل!
هلبت يجيني الريل ويجيبه وياه--عتتني هاي الروح تتمنه ملكاه!
ياهو اليوصي الريل هلبت يجيبه--كلوله كلبي ايريد حضنت حبيبه!
ناذر نذر ياريل كونك ترجعه--ابكل محطه اهديك من عيني دمعه!!
ليل وبرد والذيب ضل صافن اوياي--طول عليه الريل مارجع اهواي!
ابكلبي اشم عطاب مو ريحة الهيل!--شو ما اجوا وياك ؟ صارحني ياريل!!
دنيا البرد والناس بيه ايتدفون---وج الكلب ياريل عالما يوافون!
ريل الخذاه بالعيد وابعد عليه-- بلكي ابدمع عاشور ويرجعه اليه!
االساعدي

[ارجع يازمان]

طالت ياعلي ومعروفه الاسباب!
لان دجاله غشونه ويحكمون!

هم جوع وقهر وكرونا بالباب
واجه التهديد كالوا لا تطلعون!

الدمعه ابجمرها اتعاتب اعتاب!
وانته التشعر ابجمرات العيون!!

صارت عازه واهل الخير غياب
واسبوع انتظر ما طبنه ماعون!
االساعدي

[ارجع يازمان]

خايب وصلت الموت ماتدري بيه!
عود امن اموت اتكول سوده عليه!!
االساعدي

[ارجع يازمان]

الى الغدار
تبقى القذاره البيك واتصور ابهاي
بالبحر غسلناك وتنكس الماي!
االساعدي

[ارجع يازمان]

صباح العيد لعيونك
يهنيال اليشوفونك
طارت روحي مثل الطير
حتى اتكلك اشلونك!
االساعدي

[ارجع يازمان]

الخوف
وكرونا
وحكومه
انفرضوا اعلينه فرض
وداعش
وعوز
ومأسي
الجابت انواع المرض
وغدر
واهموم
وعذاب
وهالقهر ما ينقرض
ربي
خافنها القيامه
الطاحت ابهاي الارض!
حسين االساعدي​

[ارجع يازمان]

ماعندي بس رايين واتخير الراي
لو انه اروح اوياك لو تبقه وياي!
االساعدي

[ارجع يازمان]

وين ادورك؟
وانته وي روحي ضعت!