-
كون اليساجل يطب ساعة قتال
كلشي يتوقع اذا صار النزال
مايغلس لو ينادونه ابشعر
مستعد ومعدل ابهذا الامر
بسرعه يوصلهم اذا كالو تعال
كلشي يتوقع اذا صار النزال
االساعدي
-
كون اليساجل يطب ساعة قتال
كلشي يتوقع اذا صار النزال
مايغلس لو ينادونه ابشعر
مستعد ومعدل ابهذا الامر
بسرعه يوصلهم اذا كالو تعال
كلشي يتوقع اذا صار النزال
االساعدي
من رحت تدري اشصار؟ خليني اخبرك
كمت اركض الكل مار ومخلي عطرك!
االساعدي
اشكثر
صايحتك
تعال
وجنت محتاجك
صدك
تكدر اتسكت دمعتي القاسيه الترشك رشك!
وانته
عايفني ابرودك
وانه كلش محترك!
هسه
ما اريدك
تجيني
بردة اشوك العشك
بردت اشواك العشك
االساعدي
باب انصب للموت لازم نطبه
بس العمل وياك والعثره صعبه
االساعدي
خوتنه انه اوياك مو بس بالافراح
لو مر عليك الموت نتبادل اروح!
االساعدي
-
انه اقدر كل شعر طب النزال
حتى لو مبتدء طب لحرابها
المهم حاول يغوص اويه الرجال
وسولف العنده ابعمق دولابها!
هاي دنيا وتنحني بس لجبال
اوما يهمها الخاتل ابمحرابها!
ابد ما اغلس اذا كالوا تعال
كون اجو وتحالفوا كِتابها!
ما اغلس هذا من سابع محال
وروحي وكحه ومالي حيل اعتابها!
اعرف الضربه التجي ابيوم القتال
همه ذوله امعددين اصحابها!
االساعدي
-
اهلا وسهلابيك يبن الاجاويد
شكرا على كل الكلام التكوله
ابياتك الحلوات مثل الاناشيد
والشاعر الموزون يحجي اباصوله
لاجلك اعوف اليوم كل المواعيد
حتى اكتب الابيات لابن الحموله
االساعدي
-
من يجون وداعتك الكه الفرج
حتى اشيل الجلمه من اترابها
راح اذب زلزال ساعات الحرج
وضلت ابكيفي امن ازيد امصابها!
انه ليث وما يسكتني الهرج
وما يهم الليث نبح اجلابها!
االساعدي
-
انه ما اقصد فقير ابهل سجال
والتواضع صاحبي ويأمر أمر
لكن المعروف وبهذا السؤال
اقصد المنفوخ عَلا ينفجر!
تدري لو يتواضع ابزين الخصال!
اله حق ابهل تواضع يفتخر
وينه ذاك الفخفخ وطال المقال
خل يجي ايشوفني شيطان الشعر!
االساعدي
الشعر مو تسفيط يا ابن الحلال
لازم اتراعي القوافي اوزانها!
رايح ابهل بيت اجيبلك مثال
لا تشخبطها وتضيع الوانها!
القصيده اتموت بسيوف السجال
وانته جاتلها وصرت دفانها!
لان ما هديتها ابصرح الخيال
اشلون بلحومه وتعوف اعنانها!
القصيده ابنيه وتريد الدلال
وانته باهمالك تزيد احزانها!
لزكتها اتلزك ابذاك النزال
اشلون تحجي وكطعيت السانها!
اشلون تحجي وكطعيت السانها!
االساعدي