سمجه وشحيح الماي والفاله اجتني
هيج انه حالي ايصير لو زاعلتني!
االساعدي
سمجه وشحيح الماي والفاله اجتني
هيج انه حالي ايصير لو زاعلتني!
االساعدي
لالا تروح ابعيد يلماخذ الروح
خليني اروح اوياك لو رايد اتروح
االساعدي
من سولفوا بهواي مدري شجاني
شو طرت فوك الغيم واني ابمكاني!
االساعدي
نايم ابكبره الشيخ عايف مضيفه
وادلاله مجفيات محد يضيفه!
حسين االساعدي
التعديل الأخير تم بواسطة ارجع يازمان ; 28/January/2019 الساعة 6:10 pm
متجيب النفس وتسحبه بلكوه
حالك مو كلافه ويعتبر اشوه
ماتدري بانفاسي احتاجت التجوه
ادفعهن دفع والوكع مدري بَه!
اجلبنك يليل 12 تجليبه
االساعدي
زين االهسه باقي وهلنفس وياك
انه ابنفس مكطوع وشمرته اهناك
من كال الوداع وصاحلي ابلياك
راح اتعذب ابليلي ودواليبه!
اجلبنك يليل 12 تجليبه
االساعدي
القلم يتسائل وزاد العتب
ليش اليشوف المأسي وماكتب
لازم اترجم يشاعر
ترجمة كل المشاعر
بالكلام الصايراغله امن الذهب
القلم يتعاتب وزاد العتب
االساعدي
التعديل الأخير تم بواسطة ارجع يازمان ; 28/January/2019 الساعة 8:36 pm
ما أمد ايدي ابعوز واصبر على الأه
جف اليمد لناس اتعارك اوياه!
///
ما امد ايدي ابعوز واصبر على الأه
رب الرزق هالناس ينساني حاشاه!
///
ما امد ايدي ابعوز واصبر على الأه
اضحك جذب بالجوع ماصحت أويلاه!
///
ما امد ايدي ابعوز واصبر على الأه
كلما يمسني الجوع اتلاوه وياه!
حسين االساعدي
التعديل الأخير تم بواسطة ارجع يازمان ; 28/January/2019 الساعة 9:35 pm
ماصخ حلكها الناس مو ملحة الزاد
الملح مابي صوج بالماله رداد!!
االساعدي
الماحضرني بضيج وانه ابحياتي
ماريده بالتشييع ساعة وفاتي!
االساعدي
التعديل الأخير تم بواسطة ارجع يازمان ; 29/January/2019 الساعة 5:08 am