هنا

[ارجع يازمان]

جنت ماتكدر اتفاركني ساعات
والك سنتين صار وماشفتني!

[ارجع يازمان]

لاواني بيده العوز بس ما غلبني
ذبيته ذاك الجان رايد يذبني!
االساعدي

[ارجع يازمان]

-
مال اردلك؟ هذا من سابع محال
اشلون ارد ابراحتي الذباحي!

انسه اسمي وبعد مابيها مجال
وطيحتلك كل هذيج افراحي!

جنت اصيحلك حبيبي بس تعال
وانته جنك ماسمعت اصياحي!

هسه مابينك ومابيني القتال
وبعد ما اسلم بديك اسلاحي!
بعد ما اسلم بديك اسلاحي
االساعدي

[ارجع يازمان]

حزن العزيز ايصير وجعة ابوسط روح-
لوما يجيها الموت ماتقبل اتروح!
االساعدي

[ارجع يازمان]

يل رايح البغداد كللهم احسين
خان الزمان اوياه وصار اكله بالدين!
االساعدي

[ارجع يازمان]

-
سولف بالحقيقه وعوف الاوهام
اشكد حلوه ومضات الحقائق

جان اتساجلينه ابهاي الالام
بس لو كونك امطول الدقائق

حظي الما كعد وتحزم احزام
وابد ما لحك بحضوظ الخلائق

مثل حال الشباب ابهاي الايام
كلها امكنكه وصاروا حدائق
االساعدي

[ارجع يازمان]

-
انطيك الاعجاب ابهاي الابيات
وانه اللي احب حجي المباشر

انته ضيفنه وكل التحيات
اطلقهن الك باحله المشاعر

كلحنه اخوان وماكو شمات
ويامية هلا ابجبر الخواطر

احنه اهل المباشر والعبارات
وما بينه اليخليها اعله باجر!

اتمنى ابسجالك تبقى ساعات
مو نص ساعه تكضيها وتغادر!

اكتبلك جديد ابكل الاوقات
وانه الساعدي ايسموني شاعر
االساعدي

[ارجع يازمان]

اشتاق اليك
ك شوق مناضل قادوه الى منصة الاعدام
وينتظر قيام الثوره
ليكون هو الحاكم!
ليحاكم اعداه ويعيش بسلام
االساعدي

[ارجع يازمان]

حقهم من يهابونك
داعش كله بعيونك

[ارجع يازمان]

اجنب العثرات وامشي ابطريقك
الغربل الصحبان جاب الغنيمه

وتفرزن الضحكات كون الصديقك
الاسد يضحكلك وانته الوليمه!
حسين االساعدي