هنا

[ارجع يازمان]

شحجيلك بعد ماضلت افراح
ماضل واهس الكل السوالف
شيجيب الضحك وكبالي ذباح
ابطاري الموت لتجيب الطرايف
هو العنده بلوه اشلون يرتاح!
لتجيب القصر يم الصرايف
راحت فرحتي وشيرجع الراح
إوياجف البقه ايرد الكلايف!
ضلت دمعتي الماظنها تنزاح
وممسوح الضحك من الشفايف
عدوان الاجوني خان السلاح
وصاير سالفه ابكل المضايف
صاير سالفه ابكل المضايف!
حسين االساعدي

[ارجع يازمان]

لا تذبح جرح ويه اليضحكون
خل اجروحك اتعيش بأملها

اجروحك ابروحك باجر اتهون
ربك يكفل الشده ويحلها

لترخص الدمع يم اليكرهون
ادموعك غاليه وبالك تذلها

تعرف وين تشمر دمع العيون
بس االزينب وذولاك اهلها

لا تستغرب الها وتسئل اشلون
محد شايف الدنيا ابشكلها

يوميه وتجيك امغيره اللون
غداره وتحب ياهو المثلها
دونيه وتحب ياهو المثلها!
االساعدي

[ارجع يازمان]

وين رايح!
روحي صاحتلك تعال..

[ارجع يازمان]

يالايم بعد لا تلجم الروح
هيه الروح مختنكه ابهواها

متروسه ترس بانواع الجروح
اجم غالي راح وما اجاها!

تكضي ايامها بلونه والنوح
مختنكه وعلي وضايع دواها

اعتب عله الموت اليكدر ايلوح
لاعافاها عدله اولا خذاها!

ماطابت وراهم رايده اتروح
وانه الليل كله افتر وراها

ليليه و تجرني الفوك السطوح
وتسئل بالكمر بس لا نساها
وتحجي اويه الكمر قصة هواها
االساعدي

[ارجع يازمان]

كاويني كويه الجوع حتى العظم ضاع
بالنفخه اطير اهناك واوكع عله الكاع!
الساعدي

[ارجع يازمان]

-
كافي تبجي ودمعتك مثل المطر
ااالدمع ماظن يرد الفاركوك

روح شر دمعاتك ابخد البحر
هلبت اينشفن وتنسه الضيعوك!
االساعدي

[ارجع يازمان]

ماسحني مسحه الجوع خافيني بسكوت
دورو ما انشاف! بس سمعوا الصوت!
االساعدي

[ارجع يازمان]

متعجب الهسه وما اعوفنك
سالب راحتي واشكد احبنك!
االساعدي

[ارجع يازمان]

-
لا تسولف بالعشك عوف الغرام
خاف حسباتك تجيك وما تنام!

انته
بعيونه بجيت وما اجاك
ما اظن
جلماتك اترد النساك

الماترده ادموع ميرده االكلام
لا تسولف بالعشك عوف الغرام
االساعدي

[ارجع يازمان]

وجهك
صبح
شعر الليل

وبضحكتك
ريح الهيل

وانه ابمحطات الجرح
والسجه متجيب الريل

حاير ابدمعي المنفضح
حاير واصيحن ياويل

لا ترجه حيل المنذبح
عالمنذبح راح الحيل!
عالمنذبح راح الحيل!
حسين االساعدي​