هنا

[ارجع يازمان]

ايبيع جاي
وعله باب الله طلع.
استفتح ابوجه الله أول ما وكع,
حسين االساعدي

[ارجع يازمان]

بين اخوتها زينب رافعه الراس
ما تنذل ترى
الكافلها عباس!
االساعدي

[ارجع يازمان]

زينب غريبه اشلون؟ ياهو الهجرها؟
وشيعة علي مايوم عافوا قبرها!
االساعدي

[ارجع يازمان]

جابولي ابن اهواي _ شميته شمه
اترجع ابوه وياي _ ويطلك امه,,
االساعدي

[ارجع يازمان]

لا تحلف توافي اوياي حجيك خالف افعالك
انزع ثوب اليوافون
ثوب الغدر
يحلالك!
االساعدي

[ارجع يازمان]

الخوه كون احساس _ تقراها بالعين
لو بالربح تنقاس_ماتسوه فلسين!!
االساعدي

[ارجع يازمان]

الما يكول ابضيج عد عينك انه
وكت النفاهه العين تمسح مكانه!
حسين االساعدي

[ارجع يازمان]

سجلنه باسمه البيت باخر عمرنه
ابدار العجز بعدين راح وشمرنه!!
حسين االساعدي

[ارجع يازمان]

اتزاعلينه
امزاعل الاطفال وطيور المدينه
اتزاعلينه
ومن اجت عيني اعله عينه
اتصالحينه,,
بسرعه تنسه اكلوبنه الماتعرف اتشيل الضغينه,
احنه
ضحكتنه صحيحه
مو مصالح تمشي بينه!
انطيب
الروح الجريحه
ابلمسة الشوك الحنينه..
ابسرعه نرضه
ابسرعه نزعل
والزعل لايك علينه
اتزاعلينه
حسين االساعدي

[ارجع يازمان]

نوبات الهجر لاجل النحبهم
لأن دورنه الهم مصلحتهم,,
االساعدي