ضاع النظر والروح صارت رخيصه
هلبت يردلي الشوف جيبوا قميصه!!
االساعدي
ضاع النظر والروح صارت رخيصه
هلبت يردلي الشوف جيبوا قميصه!!
االساعدي
صوت الفجر مسموع يل كاعد اتنوح
لو تنسى طاري اهواك لو تخنك الروح!
االساعدي
صوت الفجر مسموع خفف ونينك
حتى المؤذن كال الله اليعينك!
االساعدي
لا تسئل المهموم ولفك هجر وين؟
خاف الجواب ايصير من دمعة العين!!
االساعدي
اشكد حلوه يبنت الريف
جمالج ميه بلميه..
ابلا مكياج وتضوين
هيج انتي طبيعيه,
ضيعت الوصف محتار
شوصفنج وانتي كمريه!
مدري انتي الشمس عالكاع؟
ما ادري انتي حوريه؟
االساعدي
أجلبنك يليلي وحَسبتي وياي
لا ترضه تكفني ولا تجيب الراي!
عكلي ايكلي انسه وروحي ويه اهواي!
والينتظر مثلي اهوايه تعذيبه!
اجلبنك يليلي 12 تجليبه
االساعدي
اجلبنك يليلي وبدليل اسهام
مسمومات سمهن صاعد اعله الهام
لا بطل دمعه ولا جفنها ينام
عيني بكل حزن تقره بمكاتيبه
اجلبنك يليلي 12 تجليبه
الغريبه
أجلبنك يليلي ومابقتلي ادموع
خاف الكلب يطفرماتكضه اضلوع
غير الراح مني ما الي موضوع
حاولت اشكثر ما أدري شيجيبه!
اجلبنك يليلي 12 تجليبه
االساعدي
مساجله حسين الساعدي
ومريم حسين
جابتني روحي اليوم عتتني يمك
كتلها وين انروح؟كلتلي بأسمك!
مريم
اهلا وسهلا بيج صبحية العيد
لجلج لغيت اليوم كل المواعيد !
االساعدي
تذكر ابجنه وجان ؟ قصة هوانه!
كلبي البقه وياك رده المجانه!
مريم
اذكر بعد والروح من راحت اوياج!
ما ردت الهل يوم ما ترضه تنساج!
االساعدي
عال الزمان اهواي ويانه كلش!
واشكد بنينه احلام هو اليفلش!
مريم
مو بالزمان الصوج كلمه ارد اكلج !
جيت ارد اخطبج عود ما قبلو اهلج !
االساعدي
ما قبلو اهلي ابهاي وانه ادري بيهم !
صدكني بالدمعات واعتب عليهم!
مريم
ما تنفع الدمعات وتأذي العيون
اهلج هذاك اليوم خلوني مجنون !
االساعدي
عوف العتب يحسين جيت ارد اعايد!
طبع السماح ايلوك ويه السواعد!
مريم
عفت العتب والعين كفت دمعها
بشريني روحي اشلون هسه ابوضعها!
االساعدي
روحك ابروح الروح ماكو اغله منها !
شنهي الجره وهاليوم تسألني
عنها!
مريم
هليله ليلة عيد ومهود الجروح
وافرح اذا مريت وترجع الروح !
االساعدي
جيتك والك روحين عيديه مني
روحك وروحي انوب بيدك هذني!
مريم
ما فاطر اويه ناس واكلي ابمكانه
صدكت هسه العيد من شفتج انه !
االساعدي
صدكني انته العيد وعيوني الاثنين
من شفتك ارتاحيت واحلف بالحسين!
مريم
