هنا

[ارجع يازمان]

انه ادورك بالسمه وانته الاجيت
بعد ما اعوفك ومابيها مجال

رايد اتساجل شعر واشكد حجيت
وعندي ساحات الشعر مثل النزال

انه فارس عالمنصه وزامطيت
والتحدي ايفزز اكلوب الرجال

هو بس اسمي رعبهم واكتفيت
يعني معناها جواب الكل سؤال

انولي ابكثرتهم إوما دنكيت
الذله ما توصل الي ابسابع محال

وما أبوخ بالحجي وما ثرثريت
هيه الافعال الحجت يوم القتال
هيه الافعال الحجي يوم القتال
االساعدي

[ارجع يازمان]

رايح تصير اليوم من المفاليس
يل راهنيت ابزود وهم الاماني!

هاك النتيجه اوياك بعد التداريس
غير الصفر ما جان كاتبلك اني

افتهم يا تلميذ درس الاحاسيس
الدنيا مو باكثار صب الصواني

العقل فضل ناس عن الجواميس
واللي ملكله احساس تلكاه يعاني

لو تنظر التمثيل خلف الكواليس
متشدك الافلام عد الثواني!

انه اشكثر جاريت شر وجواسيس
لكن ولا ذليت يوم ابزماني
االساعدي

[ارجع يازمان]

انه الراح اعلمك طور الاشعار
ومااتعب عليك وانه كاعد

العبنك ابكيفي اشلون ماصار
وانطيك الامان وتبقى لابد!

لا تلعب اوياي اتحركك النار
النار اشكد تحب لعب الكواغد!

انته اتورطت متفيد الاعذار
ضليت ابمزاجي ابهل قصائد

حسبالك جبل يوكع بالحجار!
ياهو الذبك ابحلك المصايد!

متحدي واجيت العتبت الدار,
رايح تندم وهذا الله شاهد.

انته مو هكوتي ابهاي الافكار
دور مستواك ابهل مكاصد

اشلعكم شلع لو دك الانذار
واتحداها كلها وانه واحد!

اتحدى ابحضور الناس الاخيار
انته وكلمن ايكول ويعاند..

جيب اوياك عشره ازغار واكبار
يقابلكم طفل من السواعد
يشردكم طفل من السواعد
االساعدي

[ارجع يازمان]

ذوله اهل البخت واهل الدواوين
للموت افتخر انه ابعمامي

واحدهم أسد وسط الميادين
وعلماله سند يمشي ويحامي

ابراية علي ابكل فزعه ماشين
والهم كل وكت ابعث سلامي

ما بيهم رخيص اليحجي وجهين
وترى ما بالغت انه ابكلامي,,
أبد ما بالغت انه ابكلامي
حسين االساعدي

[ارجع يازمان]

مثل النخل مايوم باطباعي غدار--
ايكاطفوني احجار واكطف بالاثمار--
حسين االساعدي

[ارجع يازمان]

جرح العدو ابايام تكدر تداويه
لكن كلافه ايصير بالامنت بيه!
االساعدي

[ارجع يازمان]

يالحادي اخذها وياك روحي التون حيل
تحرس الظعن اهواي لو جلجل الليل!
االساعدي

[ارجع يازمان]

تسولف بيه نكته وما يضحكون
وأكوم الخاطرك واضحك عليه!
أضَيع فَشلتك كدام العيون,,
واكولن حلوه هالنكته القويه!
حسين االساعدي

[ارجع يازمان]

راح ادفر الغربيل والدفره بالكاع
شو ما يكض اعزاز ذباهم ابساع!!
حسين االساعدي

[ارجع يازمان]

شد عالجلاب اسروج لو قلت الخيل
والتشم بي عطاب جنك تشم هيل!!
حسين االساعدي