صير صابون ابزمانك
طيح اللثكه العليهم
وانته باقي ابلمعتك!
االساعدي
صير صابون ابزمانك
طيح اللثكه العليهم
وانته باقي ابلمعتك!
االساعدي
ﻻ ﺗﺨﺎﻑ ﺍﻟﺬﻳﺐ ﺧﺎﻑ ﺇﻣﻦ ﺍﻟﺒﺸﺮ
ﻣﺎ ﺳﻤﻌﻨﻪ ﺍﺑﺬﻳﺐ ﺑﺬﻳﺎﺑﻪ انفجر !
ﺑﺲ ﺳﻤﻌﻨﻪ ﺍﻫﻮﺍﻱ ﻣﺄﺳﺎﺕ ﺇﻭﻋﺒﺮ
ﻋﻦ ﺑﻨﻲ ﺍﺩﻡ ﺇﻭﻃﻌﻨﺎﺕ ﺍﻟﻀﻬﺮ !!
ﺍﻟﺬﻳﺐ ﻣﺎ ﻳﻐﺪﺭ ﺻﺪﻳﻘﻪ ﺍﺷﻤﺎ ﻣﻜﺮ
ﺑﺲ ﺻﺪﻳﻘﻚ ﺑﺎﻟﻐﺪﺭ ﺿﻞ ﻳﻔﺘﺨﺮ !
ﻫَﻢ ﺳﻤﻌﺖ ﺍﺑﺬﻳﺐ ﻓَﻜﺮ ﻳﻨﺘﺤﺮ !!
ﻷﻥ ﻣﻦ ﺻﺤﺒﺎﻧﻪ ﻣﺎ ﻣﺮﻩ ﺍﻧﻐﺪﺭ !
ﻟﻴﺶ ﺗﺘﻬﻢ ﺍﻟﺬﻳﺎﺑﻪ ﺍﺑﻬﻞ ﺃﻣﺮ !
ﻭﺍﻧﺘﻪ ﺑﻌﻴﻮﻧﻚ ﺷﻔﺖ ﻛﻞ ﺍﻟﺼﻮﺭ
عاين ابنادم وتابع بالاثر,,
اشلون من يتنظف اينكس البحر!
من اجانه امفخخ ابجسمه ﺍﻟقذر!
ﺍﻟﺬﻳﺐ ﻣﺎ ﻳﺬﺑﺢ ﺍﻟﺬﻳﺐ ﺇﻣﻦ ﺍﻟﻨﺤﺮ
ﻟﻜﻦ ﺍﺑﻨﺎﺩﻡ ﻋﻠﻰ ﺍﺑﻨﺎﺩﻡ ﻛِﺪﺭ !!
ﻻ ﺗﻠﻮﻡ ﺍﻟﺬﻳﺐ ﻭﺗﻠﻮﻡ ﺍﻟﺪﻫﺮ !!
ﻭﺗﺘﺮﻙ ﺍﻟﻤﺘﻬﻢ ﻭﺍﻟﺠﺎﺏ ﺍﻟﻘﺪﺭ !
ﺷﺎﻫﺪ ﺍﺑﺪﻧﻴﺎﻙ ﻣﺄﺳﺎﺕ ﺍﺷﻜﺜﺮ!!!
ﻣﻮ ﺳﺒﺒﻬﺎ ﺍﻟﺬﻳﺐ ﺳﻮﺍﻫﺎ ﺍﻟﺒﺸﺮ
ﻣﻮ ﺳﺒﺒﻬﺎ ﺍﻟﺬﻳﺐ ﺳﻮﺍﻫﺎ ﺍﻟﺒﺸﺮ
حسين االساعدي
جعفر الصادق مات يادمعة العين
ياشاعر ابهل يوم يكتبله بيتين!!
؛؛
جعفر الصادق مات ياجعفريه
كون العزء ابهل يوم لامه الزجيه
االساعدي
عظم الله اجورنا وجوركم بذكرى استشهاد الامام جعفر الصادق عليه السلام
مو عجيبه
ابهايه دنيانا الغريبه!
المحب يقتل حبيبه!
والجرح يلجم طبيبه
انته يل عفت الكلب يبقه ابلهيبه
وخلصيت اسنين عمرك تضفر ابذيج الكصيبه,
وهاكثر الها توافي
وهيه جابتلك مصيبه!
مو عجيبه!
االساعدي
لوما تجيني اليوم تسأل عليه
باجر هلي اينصبون جادر اليه!!
االساعدي
ليش اكطعت وياي صوت ورسايل
تدري اشكثر بالروح شوك الك
شايل ؟!
اتعذبينه وننتظر بس العذاب
ندري ما فد يوم يجمعنه الهوه!
احنه بس باقين نلجم بالجروح
وندري هاي اجروحنه امضيعه الدوه..
انته لا رايح صدك لمن تروح
وما الك فد جيه ونكعد سوه!
وانه عايش بالوهم ماريد اشوف
هايه شمس الله اشكثر بيها الضوه!
االساعدي
رد لاخر مساجله مباشره
_
ما اظن يحجاره هزيتي الجبل
انته متوهم ترى ابمقياسك!
جاي تتناطح ومالك كل أمل
وداعتك ترجع وفشخه ابراسك
انه لو ازعل ترى ايصير الزعل
مثل زلزال ويهدم ابساسك
ما تخوفني ابحجي وكثر الجدل
ومايهمني اشتكتب ابكراسك!
احلف ابحيدر علي خير العمل
بعده سهمي ما اجه وما جاسك
لكن امن اتباره ويروح الخجل
ما تخلصك مني كل حراسك
االساعدي
رد لاخر مساجله الان مباشره
--
الشعر لازم يكون امرافك الاحساس
حتى انكول شاعر انته باحساسك,,
المشاعر لو جذب رايح تغش الناس
وتبقه العله بيك وتخسر ابناسك!
نوبات االظنون اتزيد الوهواس
وتعيش الاوهام ابهذا وهواسك..
يمشجع الشيب اليلزك ابهل راس
كلهن جلبن والتمن ابراسك!
قبل لتفوج لازم تاخذ المقياس
جنك خربطيت ابهذا مقياسك!
اشجابك للبحر يلماجنت غطاس
بعدك بالجرف ومكطعه انفاسك!
بعدك بالجرف ومكطعه انفاسك
حسين االساعدي
اشوهدناك اوياي ياهو الورطاك!
انته قطره وانه غيمه امن الشعر
هذا ياهو الدزك ويضحك وراك!
يدري بيك ابدمعك اتضيع االنظر
ما سئلت الكبلك الطاحو شجاك!
قبل لا تتورط وتشبع قهر!
انته جايبها امن اديك ومشتهاك
بعد ماكو داعي تلعن بالدهر!
راح اغركك بالشعر واخنك هواك
انته هسه امجتف ابنص البحر!
تبقى عاد انه ابمزاجي اشما اجاك
لو اعتقك! لو احزك بالنحر!
االساعدي
