شايف النار اشلون يحرك جمرها؟
هيج انه روحي اتصير لوما تمرها!
االساعدي
شايف النار اشلون يحرك جمرها؟
هيج انه روحي اتصير لوما تمرها!
االساعدي
لا صبر بيه يفيد لا ناري تطفه
لا كلبي نوبه ايهيد لا عيني تغفه
اشموعي ويه الورد
يردن يشوفنك
ناطر ابراس السنه
وماكو خبر منك!
صايرلي مثل الهوه
ومجبور أشمنك
معناها راح أختنك
بس ابتعد عنك!
االساعدي
اعرف ما تجي بس كاعد امتانيك!
هيه هاي اللي احبها
راح اكللكم باسمها
وقبل لا احجي باسمها
راح اشوفكم رسمها
بالضبط تشبه الورده
وابتهج لمن أشمها
اعيونها اعيون الغزاله
والخجل يمشي اويه دمها
انه مالازمها بيدي
الكلب راح ولزمها
والوعدنه ابسرعه تغفه
حتى تلكاني ابحلمها
انه ليل وهيه كمره
وكلشي سولفته ابعلمها!
هايه صورتها يعالم
طلبت ابنص روحي اضمها
فدوه احذفوا الصوره فدوه
لا تزيدوها ابولمها
بالاسم راح ابدي هسه
وارسم احروف ابنغمها
بيها حرف الميم معنى
اشكد حلو سمتها امها
بيها من الريم لهفه
وهيبة اسيوف وزلمها
بيها من البحر صفنه
الذاك الوداع اليهمها
اباخر احروف أسرتني
وغركتني واني يمها!
مدري طمتني ابحرها
مدري بالدمعات أطمها!
هذا اسمها ابكل وضوح
وصافيه الصوره ابفلمها
يلله امسحو الاسم هسه
ويه صورتها ورسمها
خاف لا تزعل عليه
واني جداٌ احترمها!
اني جدا أحترمها
حسين االساعدي
احس اهوايه متغير
اعيونك سولفن سكته
عكس الكاعد اتكوله
جنك مو هذاك انته!
جنك
مو
هذاك انته!!
؛؛
ابكيفك تهوه ماتهوه
هوه العشك مو كوه
كلبك دكته حلوه
هسه
اتغير ابدكته؟
جنك مو هذاك انته!
؛؛
جنت لمن تلاكيني
عينك تضحك العيني
هسه ما تحاجيني
ولا
تضحك
على النكته!!
جنك مو هذاك انته!
؛؛
متغير علي كلش
طير وهاجر امن العش
فلش بالكلب فلش
كلبي
اشبيها سالفته؟
جنك مو هذاك انته!
حسين االساعدي
يروحي امشينه من يمهم
هذوله كلشي ميهمهم
اشو لمن
يلاكونه
جنهم مايعرفونه!
جنهم
مايعرفونه
؛؛
اجينه ابلهفة الاحباب
سدوا بالوجوه الباب
يروحي مايفيد اعتاب
اعتابج
ما يسمعونه
ولا جنهم يعرفونه!
؛؛؛
ولاجن الجرح منهم
كل ليله وسئل عنهم
اشبيهم مو نزف يمهم
أشو
ما سئلوا
اشلونه.
ولا جنهم يعرفونه!
؛؛
مو ذله يروحي الشوك
عافونه ابعمر محروك
لناس التطب للسوك
مدري
ابيش باعونه!
ولا جنهم يعرفونه!
االساعدي
متعني للعباس من بالي أشيلك
شو من وصلت اهناك كمت اندعيلك!
االساعدي
أنه ابوحدي عشيره وأرفع الراس
حسين االساعدي
؛؛؛
يصح تلكه عشيره اتفلش الساس
ويصح واحد لجن عادَل عشيره
شسوي بالاخو الما ينبض احساس
أغمه الصبح وبوقت الضهيره!!
البخل والجبن عار وتعرف الناس
العتب مرفوع بالما عنده غيره
جرحوني اشكثر ومعبر الداس
وأكولن فشله أكبرها الزغيره!
والطعنه الجديده ابظهري تنداس
كلما هالظهر انسه واديره!!
شفتهم مو وزن وبصفي ينقاس
فرق بالصاحي والبايع ضميره
ابو افليس انه اكرهه الكطع الانفاس
مثل ما أكره الدنيا الحقيره
السلف لو كظه واحد عنده وهواس
رايح يرجف وعينه اعله غيره!
فاركنه السلف جي خله نداس
خاط وخربط ابهاي الشعيره
وابوكت الزعل دكينه الاجراس
خاطر كلمن ايروح المصيره!
هيهات البحر يتخله بالطاس
البحر لو دمدم ايغرك الجزيره!
أقسم بالحسين وبخت عباس
ودرب الشام ودموع الأسيره
اكول احجايتي وتشهد الحواس
اسمعوا هايه الحجايه الاخيره
انه ابوحدي عشيره وارفع الراس
وعمود البيت متثمنه الحصيره
عمود البيت متهزه الحصيره
حسين االساعدي
التعديل الأخير تم بواسطة ارجع يازمان ; 19/January/2020 الساعة 10:38 am
اشكد صدت صيدات جانت بعيده
هسه الكبالي ايصير مابيه اصيده!!
االساعدي
التعديل الأخير تم بواسطة ارجع يازمان ; 2/May/2020 الساعة 10:40 am
كالولي باجر ترد
مافكرت بالبرد
منتظرك
امن الصبح
وبايدي باقة ورد!
االساعدي
