اسف نقل بالغلط
لم تكن من
كتابات الساعدي
اسف نقل بالغلط
لم تكن من
كتابات الساعدي
التعديل الأخير تم بواسطة مريم الحبيبه ; 21/May/2019 الساعة 10:53 am
ان كنت تحمل في قلبك
عتاباً صارحني به كي لا يصبح بيننا فراغ يعبر منه الآخرون
انه ابكل وكت وياك عناي
وانته الما نشدت ابيوم عناي
اعزفلك عزف مذبوح عالناي
يركص بالألم ويه المنيه !
حسين االساعدي
جنت اعله مودك أجي واكتب شعر واعتاب
لاجلك أسوي النشر واحسبلك الف احساب
وحدك تهمني جنت يل تعرف الاسباب!
ميهمني ياهو القرء وياهو الحضر والغاب
علقوا ! ما علقوا ! مارايد الاعجاب
تعليقك انته المهم ويريح الاعصاب
لكن!
ولكن صعب
صدكني لو تنجاب!
تحرك ابروحي حرك وتعطب العطاب!
تعرف جنت بس الك عايف هوى الاجناب
مثل الشعب وانتفض لاجلك واسوي اضراب
كالولي بصره صرت وانه الصرت سياب
أكتبلك احله الشعر بمواصف الاحباب
واتمنى بيك التقي واشتم هوانه الهاب
شو صدفه حلوه اجت وانته التسد الباب!
بيدك تسد الباب!!
االساعدي
كلولها
غيرج اجت
واحجاية الحب انحجت
هسه الهذيج
ايكولها!!
كلولهاااااااا
؛؛؛؛؛؛
كلولهااااا
ايحبها صدك
لمن يسولف بالعشك
كدامها كلبه يدك
واعيونه بس الطولها!
كلولهااااا
كلولها طاب الجرح
مابعد يلجمني ويلح
ياخذني يمها امن الصبح
خاطر يشوف اشلونها!
روحي الغشيمه هودت_من حُبها كلش بطلت
وعيوني نامت مابجت
يوم التعوف اعيونها!
كلولهاااا
؛؛؛؛
هاي التحبه امعدله
متخلي روحه امعلعله
تستقبله ابمية هله
مو بالجروح ولونها!
كلولهااااا
كلولها
كافي بعد
بطلت حُبها للابد
لو حُبها من الله وعد
هم راح أخَيب اظنونها
ضيعت عمري اشحصلت!_غير المأسي ماشفت
كلولها عاقل صرت
ماراح اضل مجنونها
كلولهاااااااااا
حسين االساعدي
الله اللهالمشاركة الأصلية كتبت بواسطة ارجع يازمان
صباحات ساعديه
****
صباح العيد كله الفرحة العيد
ياورد البنفسج كلي شتريد!
حتى العيد اجاك امعيد اوياك
وبأسمك يكول احلى الاناشيد
صباح العيد كله الفرحة العيد
االساعدي
اتوقعتك
تحبني
اتهمك اعيادي
لاكنك
نسيت ابساعة ابعادي
ولا مبروك اجتني ابعيد ميلادي!
االساعدي
ردت اكتب وحيران شكتب شكلك
بميلادك اتمنيت شمعه انعلكلك
جنت احبك بالكلب مو بالكلام
وجانت اعيوني التسولف بالغرام
؛
ياهوانه اشكد نقي ابهذا الزمان
علمانه اعله الحلال إوعالحرام!
؛
جانت النظرة اعيونك بالمكان
الكَلب يوكف وياخذلك سلام
؛
جنت اسولفلك شعر ينبض حنان
والشعر باسمك يجيك اعله المرام!
؛
ياهو اليراهنه يخسر بالرهان
واحنه نتساجل اباحله الانسجام!
؛
لكن القسمه الاجت بالامتحان
رسبتنه اثنينه ومات الهيام!
؛
ما ألومك بعد ما ضاع الامان
وما أظن اسنيني ترجع بالملام!
؛
احنه مجبورين جنه ابلا ضمان
احنه جنه اهداف صابتنه السهام!
؛
هسه اشوف النار ما اشوف الجنان
بعد ما اغمض واكللك تمام!
؛
ما اريد ارجع بعد فات الاوان
الشيب صاير يضوي باوقات الظلام!
الشيب ضاوي ابشعري باوقات الظلام
االساعدي
التعديل الأخير تم بواسطة ارجع يازمان ; 27/August/2019 الساعة 6:05 pm
