هي غلطه
ابيوم حبيتك صدك
مادريت
ابجمر دمعاتي احترك!
انه اعرفك مو قسمتي
ليش اجي ابابك وادك!
حاضن اطيوفك حبيبي
خاف اعوفك واختنك!
هيه غلطه
اشلون غلطه
اشبيه حبيتك صدك!
االساعدي
هي غلطه
ابيوم حبيتك صدك
مادريت
ابجمر دمعاتي احترك!
انه اعرفك مو قسمتي
ليش اجي ابابك وادك!
حاضن اطيوفك حبيبي
خاف اعوفك واختنك!
هيه غلطه
اشلون غلطه
اشبيه حبيتك صدك!
االساعدي
ابغيابج اشتم اهلج واحرك ابكل العشيره
اشلون باعوج ورضيتي ابتافه الماعنده غيره!
ليش رحتي اوياهم انتي امجتفه ومثل الاسيره!
ليش بعتيني وقبلتي ابناقص البايع ضميره!
انه حسبالي ابديه راح احل ذيج الضفيره!
دايخ ابهاي القضيه دوخت الداخ ابمصيره
مدري بالدنيا الحقاره؟ مدري بيج انتي الحقيره!
كالوا ابهولندا تضحك
وضحكتك جانت نشيطه
وكالوا اجروحي جبيره
وانه كتلهم بسيطه
ومن عفتني اشصار بيه!
ايلومني وين االصكيطه!
زاعلت هولندا لاجلك
طلعتها امن الخريطه!
طلعتها امن الخريطه!
وداعتك صارالي واهس من اجيت
وصرت احب حتى الجنت ما اطيقهم!
لو تطيح ابشده اسكت
خلها سكته اولا تصيح
لا تناطر فزعه منهم
وحدك ابهمك تزيح
ومن تطيح ابروحك ازلف
ترى ينداس اليطيح
كلها تركض عالمصالح
جاملوا فعل القبيح!
جانت الوادم صحيحه
وما يصح غيرالصحيح
هسه ما ادري شجاهم
شو يلجمون الجريح!
شو يلجمون الجريح!
حسين االساعدي
[QUOTE=الشاعر هاني حماده;7218743]
من تطيح ابشده اسكت
خلها سكته اولا تصيح
ماتشيلك فزعه منهم
راح البهمك يزيح
حاول ازلف عن دربهم
هسه ينداس اليطيح!
كلها تركض عالمصالح
جاملوا حتى القبيح!
جانت الوادم صحيحه
وما يصح غيرالصحيح
هسه ما ادري شجاهم
بس يلجمون الجريح!
ما يداوون الجريح!
حسين االساعدي
ذائقه رائعه تستحق الاعجاب
شكرا لروعتك
التعديل الأخير تم بواسطة ارجع يازمان ; 6/May/2020 الساعة 2:59 pm
شحجيلك ابيا حال جني ابجزيره
ما مر علي ماعون من العشيره!
االساعدي
لا تطلع ابرمضان_لو عندك احساس
خدك يذب رمان__ويفطر الناس!!
حسين االساعدي
ﻻ ﺗﺨﺎﻑ ﺍﻟﺬﻳﺐ ﺧﺎﻑ ﺇﻣﻦ ﺍﻟﺒﺸﺮ
ﻣﺎ ﺳﻤﻌﻨﻪ ﺍﺑﺬﻳﺐ ﺑﺬﻳﺎﺑﻪ انتحر !
ﺑﺲ ﺳﻤﻌﻨﻪ ﺍﻫﻮﺍﻱ ﻣﺄﺳﺎﺕ ﺇﻭﻋﺒﺮ
ﻋﻦ ﺑﻨﻲ ﺍﺩﻡ ﺇﻭﻃﻌﻨﺎﺕ ﺍﻟﻀﻬﺮ !!
ﺍﻟﺬﻳﺐ ﻣﺎ ﻳﻐﺪﺭ ﺻﺪﻳﻘﻪ ﺍﺷﻤﺎ ﻣﻜﺮ
ﺑﺲ ﺻﺪﻳﻘﻚ ﺑﺎﻟﻐﺪﺭ ﺿﻞ ﻳﻔﺘﺨﺮ !
ﻫَﻢ ﺳﻤﻌﺖ ﺍﺑﺬﻳﺐ ﻓَﻜﺮ ﻳﻨﺘﺤﺮ !!
ﻷﻥ ﻣﻦ ﺻﺤﺒﺎﻧﻪ ﻣﺎ ﻣﺮﻩ ﺍﻧﻐﺪﺭ !
ﻟﻴﺶ ﺗﺘﻬﻢ ﺍﻟﺬﻳﺎﺑﻪ ﺍﺑﻬﻞ ﺃﻣﺮ !
ﻭﺍﻧﺘﻪ ﺑﻌﻴﻮﻧﻚ ﺷﻔﺖ ﻛﻞ ﺍﻟﺼﻮﺭ !
عاين ابنادم باطفال ﺍﻧﻔﺠﺮ؟
اشلون اجانه امفخخ ابجسمه ﺍﻟقذر!
بلبحر لمن تشطفه رايح اينكس البحر!
ﺍﻟﺬﻳﺐ ﻣﺎ ﻳﺬﺑﺢ ﺍﻟﺬﻳﺐ ﺇﻣﻦ ﺍﻟﻨﺤﺮ
ﻟﻜﻦ ﺍﺑﻨﺎﺩﻡ ﻋﻠﻰ ﺍﺑﻨﺎﺩﻡ ﻛِﺪﺭ !!
ﻻ ﺗﻠﻮﻡ ﺍﻟﺬﻳﺐ ﻭﺗﻠﻮﻡ ﺍﻟﺪﻫﺮ !!
ﺍﻭﺗﺘﺮﻙ ﺍﻟﻤﺘﻬﻢ ﻭﺍﻟﺠﺎﺏ ﺍﻟﻘﺪﺭ !
ﺷﺎﻫﺪ ﺍﺑﺪﻧﻴﺎﻙ ﻣﺄﺳﺎﺕ ﺍﺷﻜﺜﺮ!!!
ﻣﻮ ﺳﺒﺒﻬﺎ ﺍﻟﺬﻳﺐ ﺳﻮﺍﻫﺎ ﺍﻟﺒﺸﺮ
ﻣﻮ ﺳﺒﺒﻬﺎ ﺍﻟﺬﻳﺐ ﺳﻮﺍﻫﺎ ﺍﻟﺒﺸﺮ
حسين االساعدي
أأه يازمن
كالوا نجي_ وشو ما اجو
أأه يازمن
وانه ارتجي _وبس لا نسو
من كلبي هالدخان مو بالجكاره
من هاجرو لليوم ما تطفى ناره
ضليت اجدي اخبار
من اليمرون
شو ماتطفي النار
دمعات العيون
ماضل
وطن
أأه يازمن
أأه يازمن
؛
جان الدمع مضموم_جان ابغلاته
لكن رخص هاليوم_يم الشماته
حاير اجيبه امنين
جلمه أرد اكله
حتى الدرب بالعين
غركته كله
زاد
الحزن
أأه يازمن
أأه يازمن
حسين االساعدي
