يالحادي من مريت بمسابك النوك
ليش الهوء الوياي خليته مخنوك!
االساعدي
يالحادي من مريت بمسابك النوك
ليش الهوء الوياي خليته مخنوك!
االساعدي
التعديل الأخير تم بواسطة ارجع يازمان ; 4/May/2019 الساعة 3:03 am
شخبارك حبيبي اشلون مالون!
سولفلي االتفاصيل ابحياتك
بعدك تفتكرني ابدمع العيون
لوما عندي دمعه ابذكرياتك!
ربيتك بديه وتعرف اشلون
تعبني الربه اوداعت غلاتك
قصتنه الرهيبه الماظن اتهون
وانته الشتت كلشي ابشتاتك!
أتباهه ابجمالك نَور الكون
ارسمك بيدي والكاك اشحلاتك
واكتبلك شعر يم اليكرهون
أموتهم قهر واشرح صفاتك
لكن للاسف خلاني مجنون
حُبك ما صدَك حتى ابصلاتك!
داينتك عُمر وتكلي مديون!
ليش اتلفلف اسنيني ابعباتك!
ثابتلك وعد رغم اليلومون
حسبالي الي وتبقه ابثباتك!!
انه ابخبر عرسك جني مدفون
وانته ابزَفتك تمشي ابرهاتك!
المن جاي هسه اتكلي ممنون!
بعد ما خالفت كل اُمنياتك!
ليش استعجليت وتبقى مطعون!
هاي الطعنه ما تشفه الوفاتك
هاي الطعنه ما تشفه الوفاتك
االساعدي
المصيبه المو بديه
ابصفنتي اكبالي لكيتك
وادري ابد متصير اليه
وقشمرت روحي وهويتك!
واشكثر حاولت انسى
انسيت كلشي وما نسيتك
مانسيتك!
االساعدي
ابكيفك اتروح ابكيفك اتعود!
عندك واهس ابجرح المشاعر
يمته ما تجي و تلكاني موجود
تعرف راح اكلك انه حاضر!
لكن من اريدك انته مفقود
تارك دمعي يصطر بالنواظر
جنت اململم وخلاني فرهود
اعاتب حُبك السواني شاعر!
االساعدي
وياك اذا
ما سولفت
كل السوالف فاهيه
ابحاجة املوحة عشك ذيج الحجايه الراهيه!
ما ادري
انه
المندفع!
ما ادري انته الداهيه ؟
االساعدي
ياكلبي ثبت زين لو يرجع اهواك
تطفر وسبع اجروح تطافر اوياك!
االساعدي
اسمك ابهل منتدى اشكد دوريت!
رت اشوف اسمك اوياهم مالكيت!
اشكثر ضليت اتاني
والله يعلم جنت اعاني
وداعتك لوما اعيونك ما اجيت
لان اعرف
راح ترجع
وانه لعيونك بقيت!
وداعتك لوما اعيونك ما بقيت!
لا يروحي
اشبيج اصبري وابقي موزونه ورزينه
لا تركضين الهذاك الباع بينه ويشترينه!
ابمزاجه ايروح منه وتكطع ابعقله ويجينه
ما درى ابذيج الليالي ابهل غياب اشسوه بينه!
ما دره الدمعه ابغيابه اتفزع وتهجم علينه!
ما دره سالوفه صرنه ابكل درابين المدينه!
لا يروحي
التعديل الأخير تم بواسطة ارجع يازمان ; 4/May/2019 الساعة 8:02 am
طولت هالمره كلش!
ليش اجيت ابغير اوانك
صار سنتين ارتبيلك
جنت عطشان الحنانك
وانته يمي! وما تبين
حتى تبقه ابعنفوانك
وانه ما أيست منك
اعرف ايجيبك زمانك
تدري بيه اهواي احبك
وعايف الدنيا اعله شانك
وتدري باللي صادفتهم
ما اجه الياخذ مكانك
وداعتك خالي مكانك
االساعدي
