هنا

[ارجع يازمان]

-
ياثوبي بالتغسيل لا تطلب الماي
ابدمعي اغسلك كون باقي انته وياي
من ضحكوا الشمات
مانشفت الدمعات
رايح اغرك البيت لوما يجي اهواي
االساعدي

[ارجع يازمان]

الى ___
منك اخاف اعليك لتزيد الجروح
خاف التقي وياك وتودر الروح!!
االساعدي

[ارجع يازمان]

ضلت عليك اتنوح روحي الحنينه
تندهني نص الليل وتكلي وينه؟
االساعدي

[ارجع يازمان]

عمر الضرف مابعد عاشك عله احبابه
هم يوصل الهم حلم ويوضح اسبابه!!
االساعدي

[ارجع يازمان]

-
اجلبنك يليلي ابجمرة ادموعي
وبطفرت كلب وبرضت اضلوعي
الوادم نست وانه اويه موضوعي
ارجه المايجي وما ادري شيجيبه!
أجلبنك يليلي 12 تجليبه
االساعدي

[ارجع يازمان]

مدري اشمالهم كدروا يعوفوني
وانه امن الدموع امودر اعيوني

ماهمتني دمعاتي ابكثر هالناس
يدرون ابسبب ضيمي ويلوموني!
االساعدي

[ارجع يازمان]

لا يمر بيه ابيوم لا خله عنوان
هيج التريده الروح خلاني حيران!
االساعدي

[ارجع يازمان]

رايح للورد خاطر أشمكم
هيج اشتاكت الروح العطركم

بس يم الورد الكه
استراحه
كالالي الورد وبكل
صراحه

هذا العطر هو الجابه منكم
رايح للورد خاطر اشمكم
االساعدي

[ارجع يازمان]

بس اتكله سولفلي ! تشوف ادموعه بعيونه
العاشك من يصب ادموع بلله لا تلومونه!
االساعدي

[ارجع يازمان]

-
بعدك ترى ماطحت
_________واشكد احب كعدتك
متربع ابعيني
؛
بسمك حبيبي صحت
___________بردان احب ضحكتك
هيه التدفيني
؛
لمن مشيت ورحت
__________ شامت حجه ابروحتك
هلبت يحجيني!
؛
لكني ماوضحت
__________مضمومه ياقصتك
مابينك وبيني
االساعدي