هنا

[ارجع يازمان]

شنهي الفايده ايكثرون بالافراح
ويوم الشده
ماتلكه اصدقاءك؟
االساعدي

[ارجع يازمان]

رادوني اطيح الطاح منهم بختهم
طاحوا اكبالي انوب رحت وشلتهم!
حسين االساعدي

[ارجع يازمان]

ناذر نذر لو اجيت وتنور البيت
كل شارع ابغداد طشيته جكليت!
حسين االساعدي

[ارجع يازمان]

حتى الشمس بالعين صارت مظلمه
ياهو اليشوف اهواي خاطر يعلمه!
االساعدي

[ارجع يازمان]

الدنيا من اتميل موش انته جنك
حتى الرضع وياك يتبرى منك!
حسين االساعدي

[ارجع يازمان]

حظنك حظن تنور دفيني يفلان
طابك ثلث لحفان والهسه بردان!
االساعدي

[ارجع يازمان]

ما افرح ابعيد وعندي الاسباب
اخليه منتظر ما افتح الباب
انه ابيا حال
هالعيد ويجيني؟

ماكفت ادموع
الهسه عيني

اعايدمن بعد واحبابي غياب!
ما افرح ابعيد وعندي الاسباب
االساعدي

[ارجع يازمان]

وحق الخالق الجنه وناره
من الشامت اوياهم وانه ارى
ميضل الضوه ابعيني واناره
اصير اعمه وجهال ادلي بيه!
​حسين االساعدي

[ارجع يازمان]

اتمنى كون اهواي يقرء الكتابه
من اكتب الاشعار واعرف جوابه
جا حن عليه وعاد
هسه يجي البغداد
ويخلص الدلال من كل عذابه
اتمنى كون اهواي يقرء الكتابه
​االساعدي

[ارجع يازمان]

تعالوا لنعرف
من هو الشاعر حسين الساعدي؟
وبماذا يتميز!__(معلومات حسب معرفتي بالرائع الساعدي)
1-يتميز حسين الساعدي بكتابة مئات الألغاز الشعريه من _قصائد_ وابوذيات ودارميات (ألغاز ساعديه)
2-يتميز حسين الساعدي بكتابة الاشعار الصعبه مثل ابوذيات ودارميات وقصائد ( بلا نقاط )او بدون حرف الالف وهكذا
3- يتميز بالسرعه البديهيه بالكتابه وعشقه للمساجلات المباشره وكان منذ سنين ولا يزال يدعوا الجميع للمساجلات المباشره لخلق الابداع وله مئات المساجلات مع الكثير من المبدعين
4-تميز بكتابة النصاري او النايل او اي لون اخر وبقافيتين!! وهو صاحب اكبر قصيده تجاوزت ابياتها اكثر من (250 )بيت نصاري ((بقافيتين)) وتعتبر اطول قصيده بتاريخ الشعر بميزة القافيتين.
جمعت بابياتها اسماء اغلب العشائر العراقيه والخليجيه والعربيه بموضوع انساني وجداني جدا رائع وهادف لحب الوطن.
5- حسين الساعدي تجده اول الشعراء بالكتابه عن اي حدث جديد يخص العراق وشعبه وكأنه مقيم بالعراق يتالم لهموم ابناء وطنه ويكتب لمعاناتهم ولا يجامل بذلك!
6-كان شاعر غنائي للعديد من المطربين المعروفين وترك كتابة النصوص الغنائيه
في نهاية التسعينات قبل ان يهاجر من بغداد التي ولد فيها الى بلاد الغربه التي لا زال مقيم بها!
6- حسين الساعدي شاعر رائع و انسان جدا متواضع مواضب على الحضور في كروب الشاعر حسين الساعدي الذي يجمع مئات الالاف من الاعضاء كي يتواصل مع ابناء وطنه.
تقبلوا تحياتي
ضياء الملكي