هنا

[ارجع يازمان]

صباحات ساعديه
،،،،،،
صباحات المحبه الكل الاحباب
ولجرحي القديم الهسه ماطاب
اريد ابعث سلامي
الاسم من الاسامي
عافانه ومشه وماكال الاسباب!
صباحات المحبه الكل الاحباب
حسين االساعدي

[ارجع يازمان]

قفلك بعد شيفيد ذب قفلك وروح
يرهمله كل مفتاح ويعذب الروح!
االساعدي

[ارجع يازمان]

ليش ضيعت العمر بالانتظار؟
ماتعوف السجه هاي المايمر بيها القطار!
ياحريمه
ابيا جريمه؟
همه جرحوك ابقصدهم وانته تبدي الاعتذار!
ارجع
ولملم
ادموع الطايحه
وطَيح الهم كل سنين الرايحه
خلها بجفاهم تنوح النايحه
واعتبر ماتوا
ابنصب الفاتحه

همه فرحانين لمن فاركوك
واشكثر كالوا نجيك وما أجوك!

وانته صدكت ابحجيهم قافل ابهذ القرار
ماتعوف السجه هايه المايمر بيها القطار!
حسين االساعدي

[ارجع يازمان]

عيد حُب اشبيك ماجبت الحبيب
عندي ورده امتانيه اجروحي التطيب

انه جنت امدلل ابذاك الزمان
هسه احس روحي صدك مثل الغريب!
عندي ورده امتانيه اجروحي التطيب
حسين االساعدي

[ارجع يازمان]

-
ماندري شنهي الجره
ابهل خبريوم الشاع!

ياهو المشه الكربله
ويسئلها عالاوضاع

الكُمر لمن طفه
وصار الظلام ابساع!

الجفين ضلن سوه
لو فاركاها اوداع!

بالكاع ما زلزلن؟
لو عافن الاطباع!

جف ابو فاضل جبل
لازم يهز الكاع
لازم يهز الكاع
االساعدي

[ارجع يازمان]

مابيك غير العافيه
يابو سوالف دافيه

لو ضحكت الوادم دغش!
ضحكتك تبقه الصافيه
مابيك غير العافيه
االساعدي

[ارجع يازمان]

ياهو اليوصي العيد _ليمر عله احسين
احبابي هسه ابعيد _ودموعي بالعين!
االساعدي

[ارجع يازمان]

بالديره بس خرسان انشدمن اعليك!
وصفتك اعله الكاع وتسودنوا بيك!
االساعدي

[ارجع يازمان]

تدري الجمال البيك دوخني معناه
سولفته للخرسان صاحولي ااالله!
االساعدي

[ارجع يازمان]

-

لا تعاتب.. بعد مايسوه العتاب
هو لو يهواك ماراح ونساك!

انته ضحيت ابسنين من الشباب
وهو ما ضحالك ابساعه واجاك!

العمر ضيعته تركض عالسراب
والبحر بعيونك وعفته ابورك!
االساعدي