هنا

[ارجع يازمان]

السلام عليكم
بعد ان تمت تكملت الجزء الاول والجزء الثاني والجزء الثالث
بنقل كلمات واشعار الشاعر حسين الساعدي
وباكثر من مائة صفحه في كل جزء
نتواصل الان معكم بكل ماهو جديد ومباشر من اشعار الساعدي بافتتاحية الجزء الرابع
مع اجمل التحايا

الجزء الاول
https://www.dorar-aliraq.net/showthread.php?t=450712
الجزء الثاني
https://www.dorar-aliraq.net/showthread.php?t=682131
الجزء الثالث
https://www.dorar-aliraq.net/showthread.php?t=810774
انه التجي وياي كل اااالقوافي
وباجر الي تمثال يم الرصافي
حسين االساعدي

[ارجع يازمان]

ما تزلف عليك العين وانه البلنظر أجذب
اتحبك اعيوني اهواي وغيرك ما تريد اتحب
وما اسمع كلام الناس بس وياك احس أطرب
الوادم ذهب وانته الماس وخله اللي يسب ايسب
احسبلك اهواي احساس واحسبلك بعد واحسب
واوصفك ورد ما تنجاس بس ابغيبتك اعتب
واكتبلك شعر اجناس والغيرك فلا اكتب!
ياتاج وتضل عالراس ومن الراس ما تنذب
االساعدي

[ارجع يازمان]

عين الماتشوفك شلي بيها
للايجار
اريد اكتب عليها!
االساعدي

[ارجع يازمان]

هنياله كلمن صار خادم عمامه_يفتخر بالدارين دنيا وقيامه
االساعدي

[ارجع يازمان]

جنت امن اقابل جيش اعلن سقوطه
هسه استكان الجاي مابيه اخوطه!
االساعدي

[ارجع يازمان]

جنت انه اصيد الطار وبايدي روحه
هسه الكبالي يصير مابيه الوحه!
االساعدي

[ارجع يازمان]

لا تنشد اعله الحال خلني اويه همي
خاتل ابسد الجان ختلاته يمي!
االساعدي

[ارجع يازمان]

جنت ادخل ابميدان كلهم يشردون
هسه السكيطه ايصيح اثبت يحسون!
االساعدي

[ارجع يازمان]

شحجيلك ابيا ضيم ذلتني دنياي
ضليت الوذ ابناس حاميهم اهواي
االساعدي

[ارجع يازمان]

جنت اخذ الخاوات واكطع شوارع
هسه اطلب الاحسان يم الجوامع!
االساعدي