مجموعة منوعة من الأشعار الشعبية العراقية لعام 2019
ولك بس تجيس الروح
يرخص سعره كل مجيوس
افهم خبزة البهلول
للحط سعر للدخان
خرخش بأذنه صوت فلوس!
لا منتظر عطر احباب
ولا شدتني دكة باب
اعرف بي غريب الجاي
جي دك بابنه المفتوح !
ما أدري ليش الينسى ماينسي
ليش التعزة وياك مايستمر ؟
ليش الي تنتظرة وتوشل الخلك
من مايشوفك لحظة ماينتظر !
انه شايل مستحه المحد خطبها
المن تريد تناجي ربها , تگله ربي
وتستحي تكمل طلبها
غلطتك لمن شفتهم
والأصابع كطعتها
هنانه صارن كل اصابيعك سوه
كمت متميز الجرح امن الدوه
صون حزنك 'لِم هدوئك' إفترِك
الباب ما يندك اذا ما ينطبِك
رمِّم جروحك بروحك
سوي من حزنك مظله
يچنج عيني
ماشوفج واشوفن بيج
الله لغيري لا ينطيج
بالك اعله الما يحس تخسر عتاب
الماعرف شيب الهوه يسمي ضباب
السؤال يعيش اذا مابي جواب
صير غامض كلها تحسبلك حساب
غيمة بضباب وضعت
وجهك مراية بليل
مابيه حيل اكرهك
رايدني احبك حيل
أشتاق رؤياها لِما ؟
كَشوقِ عطشانٍ لما
صلاتك روحك اتوقفن عليه
لو تشربني لو تتوضه بيه
ما عفت نيشان بيهم
جني طعنه ابلا ظهر
صوتي ما يوصل سمعهم
صوتي قوس ابلا وتر
لا تشكي من تنجرح
دمك يجوز اختنك محتاج يشتم هوة
الليل جلد السما
چوتة شمس الصبح
ضل جرحه ينزف ضوة
حتى اكرهك حيل لازم بيه حيل
وادفن بكلبي سوالف مشتهاي
والله لو لمرايه بيديها اليصير
تشوف بعض الناس وتصيح حشاي
بيا عذر ما ميَّزتني ؟
الاعمى من صوت البلابل يعرف ابجية الضوه
صح احنه مو بزرة [ علي ]
وماعدنه مرقد من ذهب
لكن ملائكة العشگ
كل ليلة جمعة تزورنه
دك بينه حتى الـ مو گلب
خذلك حجارة امن اي درب
گلبها بيها تحس نبض
من تغفى بين صدورنه
يل جلبتي بيه شلون
ندم ويجلب بندمان
مني اطلعتي مدري منين ؟
مثل الروح من تترك جسم لانسان
اختصرتيني اختصار الموت
من الضحكه للدفان !
أعاتب روحي مدري شلون ردتك
وأنهَ عاگولي أترف من وردتك
رد مع اقتباس
