وديتلج وي الگمر ديرة هلا
ورفة خواجي ومستحة
وريحة نثاية مهلهلة
وردتج تجين بضحكتي
وماصحلي طارش للنذر
وردت اشتري من الله الهوى
واشرب روازين العمر
يمرايتي الليلة گدِر
حليتلج ميّة ظفيرة
ولا شفت خصلة فجر
وصليتلج ميّة نِهد
لمن غفى بجفي الخصر
وغنيتلج كل القصايد
والرسايل
والمواويل
و سوالفنا الشِعر والمو شِعر
يمرايتي الليلة گدر
وباجر يمر بينا العطش
ونفرفح طويرة عتب
ماظن يكفينا صبر
وانا اعلى باب حجياتج
بلكت حرف يترس قصايدنا خمر
بلكت تمر نسمة صدگ
تفتحلي شباچ الجدايل وأنتظر
يمرايتي الليلة گدِر
وانا نبي ومتعوب من ليل الوِتر
صلّيني بأحضانج شفع
خل انتجي
تدرين المرايات تطفة بلا وجه
يمسح تجاعيد البجي
وتدرين الولايات تفعى بلاية شاعر
يعلگ شموع الحچي
وانا شاعر
رد مع اقتباس
المشاركة الأصلية كتبت بواسطة فقار الكرخي
