نستمـع خلونـه تسبيـح الشجـن
يـروي سلمـان الجره لأم الحَسـن
فاطمـة يافاطمـة ...
فاطمـة يافاطمـة ...
يروي سلمان الخبر واللي جـره
ولـسُليـم ايرد سؤاله ويخبـره
دخلوا ابلا إذن بيت الطاهـره
لو دخل والدها هم چان أتـذن
_____________________
وإعله باب الطاهره الظالم حضـر
صاح حرگوا الدار ماكو خط حمـر
بيده ضلع الزهره متعمد كسـر
دم ضلعها ويه مدمعها جـرن
______________________
ابلا خمار الزهره بالباب أحتمـت
دفعوا الباب الضلوع اتهشمـت
بت مُحمد يا سُـليم اتشتمـت
انصبت اعليها النوايب والمحـن
______________________
ياسُليم الزهره بالمنزل تـون
إي وإن ناده المُنافق إي وإن
أُمر عَبده ابسوط طگها اعله المتـن
فاطمه ايضربوها هاي ابيا سُـنن .. ؟
______________________
يروي سلمان لسُليم الفاجعـه
حقداً الطاغوت للباب ادفعـه
دفع چـن باب السماء السابعـه
طاح چنه الكون ونجومه هـون
______________________
يروي سلمان المُصيبة المُؤلمـه
لحگي يافضه تنادي فاطمـه
طاح محسن والضلع ينزف دمـه
طاح والحيل انهدم مِنها ووهـن
______________________
اتلث اشهود الزهره عدها اعله المُصـاب
الحايط البسمار وي عتبة البـاب
الرض ضلعها ويله من يوم الحسـاب
سقر يسلك يحلم ابـجنة عَـدن
______________________
ياسُـليم الجره شَي من الخيـال
حيدر البيده قلع باب الضـلال
إيده چتفوها ويجرونه ابحبـال
بالحَبل گادوا علي أهل الفتـن
______________________
ياعلي اتوصي الزجيه ابــهالأمـر
گبري كون ابليل اظلم ينحفـر
عن عيون الناس إِخفيه الگبـر
إدفني بالسر ياعلي مو بالعلـن
______________________
كلمات الشاعر - أنيـس الخفـاجي الكربــلائي
Mp3
رد مع اقتباس
المشاركة الأصلية كتبت بواسطة Mohammed K.F
