روحي اشتهتچن
يا توابيت السفر
روحي اشتهتچن صوغتين
من التعب
باچر
يموت الضوه
ابابي على كيفج يا بسامير الخشب
باچر متون النهر
مثل الظفيره تگودني
و عينك بعيده
و يغبش من الطيف وجهي
و ما يصبّح باليريده
لا تدورني اعله بختك ،
يم شبابيچ الفجر تلگاني اندّي
يم الفياي التلمنا ، اعله
الشجر مطبوع خدي
و لا تگلب بالرسايل ،
خاف ما تلگاني حاچي
افتهم من طيفي لوني ،
دم حياطين السجن كلش بواچي
جنحي ترچيه يتيمه خيوط صفره
و عالذهب ما تنحسب
و السما تصدگ اليرفرف ما تصدگ بالچذب
صفاء الجبوري
رد مع اقتباس