هنا

[علي الازيرجاوي]

بالك ع الوهم تبنيلك انته امال
خايف تنصدم من تصحه عالواقع
أرضه أبحالتك وأتقبل المقسوم
ولا تبقى أعله غيرك عينك اتباوع
ولتگول أني وضعي فرق عن الغير
...
... ... ... وصير بهذا وضعك قابل وقانع
لان تتعب ابعمرك لا تظن ترتاح
وتالي أتشوف نفسك حاير وضايع
مو حسبالك أنت الناس متساوين
وكلمن تشتكيله الشكوتك سامع
اكو واحد تشوفه أيعجبك امن أبعيد
ومن يحچي أبكلامه أمهذب ورائع
واكو واحد قريب وما تود ملگاه
ومتحس الگلب لمحبته أيطاوع
مو كلشي التريده عالمرام أيكون
دنيا وتلگه بيهه الضار والنافع
ظل صاحب كرامه ولا تطخ الراس
الحد الموت حد ما روحك أتنازع
وكتك ماله صحبه ولا تأمن بي
كل يوم أبشكل تلگاه إلك طالع
من توگع أبشده نادر ابهل يوم
تلگه إلي يجي وعن حگگ أيدافع
حتى التشتريه ابروحك وتفديه
على غفله الودادك بالرخص بايع
صير أبدنيتك صاحب مهابه وزود
وأتحده الزمن لتصير اله راكع
حرامات العمر تگضيه بس أوهام
والي يروح منّه إلك ما راجع

[كبريائي قاهرهم]

الله عليك
راقي يا راقي
الابداع نقطة في بحر
بالنسبة لشخصك الكريم
لا حرمنا روعتكم القادمة
ودي وعبير وردي

[علي الازيرجاوي]

شكرا يا ورد الابداع بوجودكم وردودكم يا غالين