اشتاگلي المشتاگ يطفه بماي عينه
ويشتعل بچفوف ايديه ويضحك بوجه الظنون بغير گلبه
ويبتشر والبيه بيه
الماي يخطف عالجروف وداع صدفة ويعتلي الهرش اليبس ما يعتليه
اشتاگلي
اليعثر بظله يموت صاحي
واللي يعيش بلايه وعيه بغير ظل
الشوك من ينبت بسچة يبات
وابن ادم يزل
اشتاگلي
اشتاگ لجروحي غلاتي
عيبي صبري ودفلتي السكتة ووحشتي بلايه هم
وحجتي الفشلة التطش التراب ما يسواش لم
وهمي دنيا انبعت بيها بغيرك انت
وشنو معناة الجرح بغير دم
اشتاگلي
تخضّر ظنوني بگاع صبخة
ويشمت رموشي على طرواك الجفن
وتشرگ شموسي بحضن ليلك نهار
ويحضن الغايب هوا الحاضر حضن
وتطفح البسمة على بال المبتلين
الماي يضحك من تشگ صدره السفن
الماي يضحك من تشگ صدره السفن .
المرحوم الشاعر الكبير عريان السيد خلف
رد مع اقتباس
المشاركة الأصلية كتبت بواسطة Mohammed K.F
