هنا

[فقار الكرخي]

لأن نعرف بضنه انته زعلان
الماي يسافر ويه الغيم والريح
ويرد ويه المطر واطيور نيسان
واعرف ماي عمره ما رفع راس
ناصي ومايعيش بغير وديان
گلوب الماصحت من ذيچ الجروح
تبقى امفطره رجلين رعيان
وطبع الگوز من ايوشل الماي
كلما فرغ صوته يصير رنان
احنه الوازنينك بالمثاقيل
نگلك ورم وانته تگول سمنان
عين بعين يامن توزن الريش
تراها اتكلفك دگت الميزان
فرق بين الحفضها بعركة الموت
وفرق بين اليذبها وهوه بردان
اكو غيمه بحملها تجيب گطرات
واكو گطره بحملها تجيب طوفان
واكو مدفع يدنگ راسه من سيف
واكو احجاره بوكتها تصير رمان
هل اصبع نبتره كون ينعاب
ونگص الراس من ينعاب وجدان
مدينه وما اذكرك بالدواويين
وابو من ينحني بصبت الفنجان
سادتمن بعد يهلي تريدون
بالخرطوم عدنه هواي سودان
احباش بسفينه وذبهم الروج
وبايعهم شلع بالجلعه سفان
سبع اعيون من اليحسدون
هنه صخول وانته تگول غزلان
نياشيني على صدور الخليلات
والله چا حچن لو عدهن السان
حك شعرك اتلمس فروة الراس
نوبات الگرون تصير تيجان
مسكون بعقد ريش الطواويس
هذا اليملي جسمك ريش غربان
اني اكدر اطلع منك اشكال
لكن ما امد ايدي بالاسيان
لو تدري شكر فوكك تعليت
ومن ثگلي ايتكسر ضهر الحصان
لو تدري بعد ما تحجي للناس
بلعت ريج هيه وبلعت السان






كاظم اسماعيل الكاطع

[سمراء من قوم عيسى]

أنتقاء جميل