كون الك حگ وتريد حگ أگعد أوياي..
لا تگعد أو يالناس وتذمني بگفاي..
تلهط تلم افلوس. شكد رايد تعيش
هو الچفن بي جيب. مثل الدشاديش
المني بيه يگول گطعي وجزه الحد ؟
وانه اعله جاري الشال لابس سنه اسود
كالولي شنهي الباب وتشم حديده
كلت وعلي اشتميت بيه ريحة ايده
عدك عوض لبتوت كلبي من اداعيك
كلهن كضن تكطيع من حسرتي اعليك
العنده خِل عمرين خل يگضي وياه
ومشكوله ذمته النام ومزاعل اهواه
رايدلي صاحب زين وبصحبته اعجاز
كون من اموت يموت مو يمشي جناز
دجاني ست دجات كل دجه بثنين
جن يطلب بثارات جتال الحسين
متعجب انته الشيب بين بلزلوف
شيبي انه دج بلعين وأثر عل شوف
تمشي وتصد للدار عيني شگواها
تترجى بلكي يصيح واحد وراها
ثوب الحزن بجفاك طايحلي ويلوگ
يالونساك اجفاي وانه اطلگ اطلوگ
جا عدله منك هاي تنطيني مكفاك
وانه النفس مرات اجاسمه وياك
كاعد وجدي أخبار بدروبك بطوس
ذابحني عوزي عليك مو عوز الفلوس
كون بصريفه وچول وبرفجتي الناي..
وأنحب لحد ماموت من ضيم الوياي
رد مع اقتباس
