هنا

[فقار الكرخي]

بحرك فلا ينحزر داخت بگلبي السفن...
مرات اشوفك سمه..
ومرات اشوفك سجن..
أي صدگ چفك ترف بس گلبك اشگد خشن..

طالب-الدراجي.



عليش انعيش بالسكته
تعال بكلبي بس انته
اذا مو حار لا تدنه يم صوبي
اريدن من تحب يوكع خجل ثوبي
تضل خجلان كلي شوكت وليمته

فقار الكرخي




وأنه وغربتي وشوگي
نسولّف بيك ليله ونگول إيمر
نكول أيحن ، وتظل إعيونه ربيّه
يالمامش إلكَ جيّه


جبار الغزي


گبــل لا يغفــه كــل شــارع بالولايــه اغنــيلك
واگــلك نـام بعيــونـي
گـبل لاتنــده الوحشــه مــواويلك


لــ مــصــطفــى الخــزاعــي



مشتاگ اللمكم.. واحجي من ذاك الحجي اليحلالكم
ومشتاگ اسولف چذب واجبر حالكم
ومشتاگ اضوجكم شقى
لا والله حتلو بالصدگ !! المهم وجهي اگبالكم
رحتوا ندى وي غبشة الشمات ليش؟ شمالكم؟
چا ورد روحي الذابل شسوالكم؟

عقيل العرد.



رحتلها وشفتها وروح حظنت روح
الحقيقة اويه الحلم وثنينهن طبگن
ألعيون استراحن هودن بالشوف
والگلوب التقن وبشوگنة احترگن


لـــ سمير صبيح



‎إنت ورد السمه بعيني
‌‎وأني فختاية ومله جناحي العشب
‌‎و الشجر واهس وأطير
‌‎والعمر ريحة عرس خضره
‌‎وأطير ..
‌‎إنت يلنومك گصير ‎إشنيمك بالماي دنيه
‌‎إنت روح أزغار تضحك
‌‎و أني أنّبع ...
‌‎و انت ضحكاتك حرير
ليش يلنومك گصير

‌‎علي الشباني



بارده چفوف المحطات التريد اتگودني
وچفك حظن
وانه نيتي بلون ظرف اول رساله يغار
من عدهه الگطن


عاهد الابراهيمي



مامش مابعد للروح
رازونة تشم اطياب المحبين
مامش خيط گمرة يجيب المحبين
ومتانين

- عبدالكريم القصاب



فيضت عمرين بيه
وعطشتني
يالتعودنه اعله مايك
غيرنه اشلون اليشربك !!

وشكثر ليلك جواني
وروحي عطابه اعله جرحك

- عريان



أنـا سولـة راحتي
من ابجي واغني
بلايه ما واحد يگـلي
شيوجعك شنهي المغيرك

- عقيل العرد



لو بقه ليلك ثچيل وطال حزنك
هاك اصابعنه شمع
شما يطول الليل بيكَ
يصير دمنه خيوط للشمعات
تضوي ابلا دمع

- غازي ثچيل



الشوف من يثگل مجانه يطيح يمك
يطيح سچه عله البحر وشراعه غافي
يطيح حبوبي الغفه رويحة حلال بين لثگات الچفافي

- عباس الغالبي



و احاجي دروب ما تحجي
و اگول شگد وكيحة الروح
خامة ومارضت بدموع شوگي تبيد ... ولاهي تهيد ...
باچر بس خيالك ينزل بعيني
و تمر بية الف حسبة ...
الف سالوفة الايام انگضت ضحكات ومواعيد ...
و احس وحيد
وانشف بيد ... واكتب بيد
وشطوط الحزن وي دمع عيني اتزيد !

لـ الگاطع



ياهو يسوه دموع عينك
وياهو يستاهل نشد
وتگله وينك

_عريان السيد خلف



الما يگدر شوگي اله
ماگدرة بحفنة تراب
الماسهر ليلة لحبيبة
بعمرة مايعرف عتاب

- علي المحمداوي

[سمراء من قوم عيسى]

عليش انعيش بالسكته
تعال بكلبي بس انته
اذا مو حار لا تدنه يم صوبي
اريدن من تحب يوكع خجل ثوبي
تضل خجلان كلي شوكت وليمته

فقار الكرخي


عاشت قلمك جميل ان نجد اسمك بين الشعراء الكبار