اضحك كالو اشماله
اسكت كالو اشحاله
اموتن خاف ويزعلون يردوني بحلكهم وكت الاوشاله
اللهي بيا وكت ارتاح
حرت بالناس حيره نوح بعياله
اريد اضحك ضحك سكران
واريد ابجي البواجي الماتجي اباله
اريد المايردوني
نذر حطيت اذا ردو اطش ادموعي وعيوني
يوميه ابعزيز الدنيا تلجمني
ويطشرني السال والينشد ايلمني
وسكر سكرت المطرود من البيت يم ربعه وداخل مشتهي ايغني
وطوطح مثل برده بعلات الريح ياهو اليعبر ايكضني
صيحني واشر عليه ؟ گلي بلسانك تعال
انه حانوت الجكاير بالمدارس تشرب بروحي الجهال
انه بيريه مقاتل تكره اتعيش بدلال
انه علاوي اليجاوب كبل لاتحجي السوال
علي البديري
رد مع اقتباس
