تعبانة و أبد ما بيه كل حيل
مدري شبيه أذبل من يجي الليل
يكثر وني و اطرب ع المواويل
و بعيوني الدمع هم يرجع يعيل
شكثر صحبان يمكن عندي ميه
ولا واحد عرف شنهو اللي بيه
أذية العبره من تخنگ أذيه
ثگل الدنيا احسه انهد عليه
مخنوگة و أنا الخانگني مو شوگ
ولا واحد أحبه و ما يحبني
ولا كسرة گلب من أقرب الناس
بس هو الفرح لعيوني ميلوگ
يرهملي الحزن و يوالم الروح
ولا عمري اشتهيت اضحك و اغني
و اذا كلش ضجت ألچم بالجروح
و ادورلي على شغلة تزيد وني
انهدم بيه الأمل من شفت الايام
تضحك للي ما يعرف يصلي
من شفت البشر تكتل بالاحلام
و تكسر كل جنح رايد يعلي
شنيه الدنيا هي و حتى نرتاح
بطران اليدور راحة بيهه
و حتى البيها يفرح هذا بطران
تره هو احنه باجر عايفيها
رد مع اقتباس
المشاركة الأصلية كتبت بواسطة فقار الكرخي
