صافحتني بجف خريفك
صافحتني وجفك بجفي برد
نصين مشطؤره الشمس
واحنه كل واحد او ظله
والمسافه بين ظل جفك وجفي
بطول دمعة باجر
وضحكة امس..
شتثكل برؤحي انحنيلك
مو مذله..
العثك طبعه يماشي سعفات الكلب
وشيثكل البرحي على جتفه
يدنك يشيل الرطب لاينحبس
القصيده التنجرح تنزف عتاب
تشكك هدوم الخجل
تصعد ثريه
ومن تشؤفك تخجل اؤتنزل همس
والفرح كحلة عرؤس
نغسلت بدمع الرصاص
اشكك هدوم العرس..
غيم الدخان بيه
ومطرن برؤحي الظنون
الكاع مو بس للؤرد تفرش جنحها
وتسجد الكطره نده
تمد جنحها الثاني للعاكول
يكفر بالمطر لؤ شح عليه
ؤيشيل رؤحه الؤحده..
صافحتني
انت يل جفك نزيف سنين عمرك
وانه من دمك رسمت اؤل خريطه
وتو اريد اكتب عليهه
حرؤف اسمي ..بيتي..عنواني..قضيتي
جفك بجفي برد
وتعجبت
كبل عيني يغرك بشاطيها دمعي
بيك غركت بالدمع
عمري جلمه اندفن بتراب الرفؤف
اقراني كلي
يل شعلتك بيه نار
انت تكبر بالظلام
وانه زغرلك شمع
والعطش ديرم شفاف سنين عمري وماشكيته
ومن لكيته اتدنه يمك
يطكن العمرك نبع
يل خذت كل الكمر لؤن ومشيت
وانه اخذت الليل لؤني
الكمر لؤ مالمه ليل
بيا نهار يظل يشع
انت مني
شجره رؤحي ؤحبك يمرني مواسم
صافحتني بجف خريفك
نزعتني اؤراقي كلهه
وصافحتني بجف ربيعك
مات بيدي
وجفك بجفي برد
وتعجبت!!
الدمعه من تنزل ضحك
تنزل رخيصه
ومن تشب بركان بظنون الندم
تنزل ضريح
لاتمد جنحك شمع
وتكول صلبؤني قضيه
ولاتحط رؤحك مسيح
انت اؤل لافته تشككت من ثكل الشعار
زغرتني والحزن بيه مشى
بكبر الضمير
بردت اؤل شراره برؤحي
يل مايك غطاني منين اطير
انه دليتك عليه
وعلكت ورقة مصيري
بين جفينك رساله
ردتك تصافحني وتوصلني
لكمه لكل فقير
ردتك تصافحني وتوصلني
جلمه لكل امير
صافحتني اؤجفك تشكك مصيري
اوجفك الثاني برد
وتعجبت!!
صافحتني...
لطيف العامري
رد مع اقتباس
