مثل طيحت كذلتك صاحبك طايح
وماصدگ..!
ولاضنك حلم
يندهني ليليه ويبچيني
من اقری الرسايل جاي
شو بس بالصور رايح ؟
ياهو لگالك واكف ولك جذاب
مثل طيحت كذلتك صاحبك طايح
حلها براي؟
ماگدر ترد لو تاخذ عيوني
صم حنطه ولگطتك من المحنبات
وانه ادري بيادرهم ثلث مرت مسحوگه
تخيرتك خيار بين لمنكد ولمصوفر لگيتك برحي بعثوگه
شزلف مايك بدوب لمالهم عرفه بزلال لبيك ؟
شزلف گلبك لوادم ماتضحكك باجر تبجيك ؟
مو گتلك صغت روحي تراجي لطيحت زلوفك
مو گتلك انه معيدي وعشگنه لحد كصاص لروس ماعوفك !
شحجو يمك ؟
ونه مسولفلك لبيه عليل بحضرة لدكتور
وين ليوجعني عليك اسولفهن
شبچو يمك ونه دموعي عليك الوان
ولك ميز فرق بين ليشبگك ونت بالتابوت بين لشابگك دفان ...............!
عاهد الابراهيمي
رد مع اقتباس
