يمته احضى بخيالك طيف
غبشة ليل ..!
غبشة ليل تتناني اعله جرف الطيف
ترجية شمس لبست سواد الشوف
للمامش خلكَ وتراب ونفس لحسين
رافكَني شريعة اّه..
وخيم تشرب خيالي ثياب
كَد ليلك ركضت لناس من ضكني
التعب حيطان ماغنت نفاهة باب
روح اّخر صدكَ حطهه اعله نجمك حيل
لاتكَضي السما من الشوف
وازعل للصلا محراب ...
(اليطشني اعله العرش عباس
اخضرله اعله كبر الكاع زينب ماي)
تتناها السواجي حسين خاطر منكسر وعتاب
يسلوة كل طريج
ثياب زينب عيد
يجيهه الله نواعي زغار
من يزعل هلال الناس حفنة ليل
ذايبلك فجر عشرين وبروحي انذبح كل جيل
تنفستك قميص ضنون" خانكَني العطش تاريخ"
بيه من العتب نهرين بس مامش وشالة حيل
طيفك للدرب محتار
وجفوفك دليل الشوف ..!
هااا ينسان منو يشدني اعله بابك نذر متأخرين
اشيرد بيه النجم وانه استحي الكَيعان
شعبي ايذوب من يقراك
》ياليل الكَصب شيصير خنعبدك صدكَ وانسان《
غيم ارموش يمطرني نداك امنشهك الميمون خالي حسين
وايطرني العطش بيبان
شارهتك حلم جفين
يمته احضى بخيالك طيف واطغى اعله العمر نيشان
بيدر مستحاي ايرتل العباس لسنينك ..
خلك رمحين مايدرن شني النسيان
مشتاكك عرس نجمات يبرالي سجج
لو ريل
واتلكا ضحك ديوان ..
تكبعت المطر شباج
اتاني من الرسايل ناس
تقراني ضوى وشلال ... تايه راي ؟
شندل والدليل ايريد من عمري حلم حمال
تايه روح.. وسنيني كَبر مهدوم
هااا ينسان؟
يمته الكَه بسما المضنوك طاري انجوم
تحزمت الدمع عاشور مر بيه الضعن خطار
بي زينب بكَايا رسوم "
..
شلت ليلي وتبعتك صوت مذّاير صدى الغافين
بعدني اتناك بس خايف جذب وحسين
مامجبور بس غيرك جبرني اتناك ..
واتكَلد اضلوعك باب للمهدي رماد سنين
"صوغة شيب"
عاتبني العشكَ من شاف حرز الاّه
ماينشد نهر وخيام
مدري شلون ماصليت رمش اختك( سبايا وليل )
هالمندوم سجّة روح حيل بحيل
شدّيت الخلك يحسين طيش اسلام
خل يرتاح رب الناس
عزيز عسكر
رد مع اقتباس
