اشعار شعبية قصيرة
همزين عندك دمع من تخلص اعذارك
جذاب ماتشتعل ..
طافي وثلج نارك
وك والله طبعك طبع
صرت انه اشوفك نبع
بس هي غلطة عطش جابتني يم دارك
غني محسن
الراسم للمشوا بيبان مايگعدله طيف براس
ابو وجه الغريب يضيع أول
ماتطشه الناس
ميثاق الهلالي
گبل سنين
مدري بيا نجم ضميت مفتاحي وعناويني
كلها نجوم جذابه
ومدري شلون جانت
لونها امحيـّر
لا تضوي الوجهها ولا اتضويلي
غانم الفياض
غشيم وغشني ضحكك
والحچي المعسول
وبچفك دليلي تمدد وسلهم
شهد راويتني
يدني النفس يفلان
حد ماضگت منه ولنه مر علگم
فاضل عبد السادة
آه لو شوگي جزّه وتاه ويّة نسمه
وآه لو صيف العُمر ماينطي لزمه
والهوه دواغ الحبايب
ياطيور الطايرة
إعذيبي يغفه اويّه الگصايب ياشمسنه
زهير الدجيلي
يانشوة خمر مامضى بشفت كاس
ولاضگته بحياتي شگد ضگت معصور
فززت اللواهج يارهيف العود
واظهرت الدفين وبين المستور
عطا السعيدي
ابسطحهم...
تنزل الغُبشه حديقه
اوتزهر النسمات لو جاست ملحهم.
وبسطحنه..
جفي ع الشباچ غيمه
شاورتهم مطر بيه
اوخجلهم...
مر على اعيوني وفضحهم
شاكر السماوي
أشتهيتك تنفخ تراب الكناتير الشلته
وتكوي قمصان الونين الطبگتهه بصوت داخل
نوفل الصافي
حسبالي من أغيبن عنك
شكم يوم..
تترسني الـ شكو؟
وچا ليش؟
ومناشد
حسبالي ...
آياد عبدالله
خذانه الروج يم ماكو!
وتشابكنه جرف لل اخ
مشينه الناس بس مو ناس
زعلانين من كلشي !
واهس حيل باد من الصور طاحن
بقت حيطانه تنعي
حفاي ع كل اكزاز من نمشي!
فاطمة الصالحي
رد مع اقتباس