هنا

[ملكةه]

ضلع ضلع كسرو من امي وانه كليبي انكسرضلع ضلع عليه عيوني اتسيل عبالك مطر
----------------------------

كسرو من امي ضلع وكليبي مات
لو بقت يمي الكلب يبقه بسبات
يمه بس ياوسفه بلهم كلبي بات
غيم الهم عل كلب مو بل سمات
ضلع ضلع ابجي دوم عليه مو بس بشهر
ضلع ضلع عليه عيوني اتسيل عبالك مطر
----------------------------
بسبب هذا الضلع سموني اليتيم
لو سئل عل صحه واحد مو سليم
وحيره مدري شراح اكله الله كريم
امي من جانت احذاي انه بنعيم
ضلع ضلع منهد كسره وانه حبيت السهر
ضلع ضلع عليه عيوني اتسيل عبالك مطر
----------------------------
شلون بله وهل ضلع صاب الكلب
ومو دمع من عيني دم كلبي يصب
وصرت احب كعده الدار ومااحبنه الدرب
منهد ماماتت الجنه وانه احس نفسي بغرب
ضلع ضلع بجه جبريل وعرش الله وبشر
ضلع ضلع عليه عيوني اتسيل عبالك مطر
----------------------------
هل ضلع روح اعيوني من كثر ماكمت اون
منهد ماماتت الجنه غيم عليه الحزن
والحزن حاوط كليبي صار محيوط بسجن
صرت اكرهه الباب والسوط الذي طك المتن
ضلع ضلع لو سمع بيه واحد كليبه انفطر
ضلع ضلع عليه عيوني اتسيل عبالك مطر
----------------------------
شلون بيه بعد امي ضاعت سنين العمر
ادعي من الله التحمل كون يلهمني الصبر
كون بلكي شويه انسه من الكسر من العصر
ادموعي تنزل عله اخدودي والله احر من الجمر
ضلع ضلع بجه الانجوم وشمس حته الكمر
ضلع ضلع عليه عيوني اتسيل عبالك مطر
----------------------------

#خادمكم_باقر_الشغانبي

[فقار الكرخي]

عظم الله لك الاجر

[كيميا]

مأجورين

[ملكةه]

انرتم