بيك ابتليت وفرفحت .
موش انه الك ..؟
موش انته الي .؟؟
موش انت شذرة جنجلي ..
موش انته
ابتوت گلبك رجدن صهوة هلي ..
موش انت وردة انسفگ دمهه
ابمنجلي ..؟
بيك ابتليت وفرفحت ..
بيه اشعجب ! ما تبتلي
وانت الگلت وياك "للواقواق" حدي
وما وصلت لمندلي
جنت اني اظن
زنجار گلبك ينچلي
جا ليش .؟
ليش اعرف ووشل غيظ گلبك
هم يرد وينملي
مربوطة روحي ابحضرتك
ترضه دخيلك ينولي
موش انه الك ؟
موش انت ألي ؟؟
وديتلك صوغة العمر .. طرزته ياقوت وحلي
ضميت سري ابشيمتك
وتريد ؟ تسله وتنسلي
وانته السند
وانته الخيم شوگي وتد
وشتنسه عينك ..
من سوالف عيني رد يمدللي ..
موغيم عيني نگط ابدربك وفه
رد ... رد... الي ..
موش انه الك ؟
موش انت الي ؟
موش انته
ابتوت گلبك رجدن صهوة هلي ..
واتمنه ..
اتمنه لو زنجار گلبك ينجلي .
كاظم اسماعيل الگاطع
رد مع اقتباس
