لوما وره الباب انعصرتي .... ماچان أذان اصلاً سمعتي
لوما علي غمض فقـاره .... هالكسرة ماچان انكسرتي
____________________
وحق كل شوغه خلف الباب شفتيها
وحق كل دمعه من عينچ بچيتيها
لون كلمة علي ادركني گلتيها
چان اتراب دنياتچ لگيتيها
لو ما أمر الله ورسوله .... ما ضلعچ ايطيح ابسهوله
هذا العلي وهذا قراره ..... هالكسرة ماچان انكسرتي
____________________
وين الباع ذمته وماحفظ دينه
إجه الدارچ قصد دين النبي ايهينه
صحبانه الوياهم خلص سنينه
رادوا ينتهي الدين وقوانينه
والحرگوا الباب ابغدرهُم .... چان ابعلي كاسر خشمهم
دخلوا على دياره بجساره .... هالكسرة ماچان انكسرتي
____________________
على الدار بحطب من يگدر إيهادد
علي بالدار يعرف ينتظر گاعد
الگصد بالنار دارچ يعلم اشگاصد
يعرف مايرده لو هجم واحد
لو ما دره بذيچ القضية .. وصار بعلم امر الوصية
لبابچ متوصل لحظة ناره ..... هالكسرة ماچان انكسرتي
____________________
بعلي بُغضاً اجوچ وطفوا اشموعچ
على البسمار دفعوا عمداً اضلوعچ
غايتهم علي ايجرحونه بدموعچ
ماهمهم أبد يالبضعه موضوعچ
والكسروا اضلوعـچ حسافه .... همهم علي اوكرسي الخلافه
چان النبي السكته إختياره .... هالكسرة ماچان انكسرتي
____________________
من بابچ حرگ الدينه ماصانه
ترك عينچ بقت بالنار حيرانه
الفقار اعيونه بين الغمد خجلانه
لإن الشتمچ ماگص علي السانه
لمن سمع شتموا حضرتچ .... ضميتي عن حيدر دمعتچ
ظل من علي مناطر إشاره .... هالكسرة ماچان انكسرتي
____________________
الجريمة المُتقنه ابلا رحمه حاكوها
العدالة اتموت ويه الهادي رادوها
عزيزة عيونچ اعله النبي يدروها
وجريمتهم رغم كل هذا سووها
والناتج ابهاي المصيبه .... ضلعچ تكسر يالحبيبه
ليل الدمع سافر نهاره .... هالكسرة ماچان انكسرتي
____________________
النذل من راد يمحي الدين بأفعاله
بضلعچ النكسر خيبتي آماله
علي دين الله ظل يتنفس بجاله
من وفه الوصيه وسيفه ما شاله
ضلعچ بنى الدين بكسرته .... حيدر حفظ نهجة بسكته
ما چا عِلة وذان ابمناره .... هالكسرة ماچان انكسرتي
____________________
كلمات الشاعر - أحمد سعد الربيعي
________________________
Mp3
رد مع اقتباس
المشاركة الأصلية كتبت بواسطة مرتضى علي
