من تغیب
اضیع انا بعمارات الوطن نگطه
و ادورک بین روحي و بين اشارات المرور
تصیرحمرة ،
چنها جوریه الچنت تطویها الی ابین الرسایل
تصير خضره
اذكر الحب و الربيع و وردة الياس و كرمها اعلي الهوا
تصیر صفره ،
و اذکر اعیونک حلالی یا شمس باگتها منی؟
انا اول عشگ ذایه بالمدینه
و بین باصات الغرب ضایع محطه بلا محطه
و آنه آخر حنطه سمره الطایحه من ایدین اهلها
ریلی شربتنی ولگتنی مکوشه بیه اشگد شوارع
بکل عبایه الگه وطن مثلوم یبچی
بکل جدم الگه حلم تعبان یهذی
بکل زقاق الگه شمس ماكلها لیل
بکل جفن الگه اشکثر ایام خرسه
انا اشوف الحانه غرگت بلضباب
انا اشوف الکاس ظل یبلع سراب
انت وین بیا لحن، محتاج اعزفك
انت وین بیا زلف، كلش عطشتك
وحدي بشباچ لیل الضایع بشقه زغیره
ناثر اعیونی نذر بلکت تشم طیفک چذب
وتکسرت موجت حنین و طفّحت بالعين نجمه
و علّگت ضلعی گمر بلکت تشوفه
و سهّرت کل القصاید خضرن لیلی ذهب
و ماكو انت
الدنيه شجره،
و الشاعر اغصانه طويله
بكل غصن طرزت عش و عشگ
بکل حرف ولّمت گمره و شمس
و ماكو انت
(لاخبر لا
چفیه لا
حنظل عذابک شربت)
منقول
رد مع اقتباس
