المشاركة الأصلية كتبت بواسطة فقار الكرخي
تعجبني لباقتج وذكائج
خلي اسولفلج ليش ..
هو مو يستبدلها .
بس هي تشوفة يكتب غزل ويجامل
ويتغزل بهاي وبذيج
فيولد عدها الغيرة . راح تكوم تبحوش
واتابع وتراقب واخير شي مراح تتحمل التشوفة
فيصير عدها حب التملك وتخاف على حبيبها من ان ينعجب بوحدة غيرها
وتبدي تقيد بي وتحاول تمنعة من هواي امور
زين بهاي المعادلة شنو راح يصير
الشاعر مو ملاكم ولا لاعب كراتية
سلاحة السانة
وتجي الخاتون تريد تسد حلكة
وتمنعه ان يترجم مشاعرة بشعر
بحجة اغار .
زين هذا السانة شطولة
بعد شاعر
السان دلالة
وين راح يقبل بالخنوع .
ودائما ما تشوفين الشاعر يتميز عن غيرة بروح التحدي ودائما تلكي شجاع . مو من السهل تجي افندية تكبح جماحة .
انتي شفتي شاعر
وحبيتي على هاي وضعيتة
ميحقلج و ولا تكدرين تجين تغيرين
نمط حياتة او اسلوبة .
والا هو ليش سمو شاعر
ينتج الكلام الجميل المترابط
من سابع المستحيلات يستبدل حبيبة
والله شنو خلص الالهام الي يجيني منها
زين اليكتب عن الام شنو راح تكون المعادلة
اليكتب عن الاخو وعن الاب وعن الشهيد
هذولة شراح يبدلون مثلا ؟
زين منو كلج الشاعر ميستقر على حبيبة ؟
اكو شي لازم تعرفي
هذا من تشوفي يكتب شعر
وينثر احاسيسة ومشاعرة
هذا لا تتصورين بشر طبيعي . اذا ما بالغت
نضرتة تختلف عن نضرة غيرة بالنسبة للحبيبة
يعني كمثال .
المو شاعر ويريد يتزوج .
كلنه نعرف شنو الشغلات اليريدها موجودة بالبنية حته يوافق يتزوجها
مثلا
حلوة . بيضة . جسمها حلو . عيونها حلوة او كبار .
او موظفة . او عدها شهادة
ومن هالأمور
اما الشاعر اقسملج بالله هذني كلهن مو بعينة
اصلا ولا يفكر بيهن
يبحث عن قلب طيب فقط
الجمال يروح
الفلوس تروح
الوظيفة تروح
الجسم بمرور الوقت يخرب
وكل هالامور تروح بمرور الزمن
بس القلب الطيب ثابت ميتغير لحد الموت
