هنا

[فقار الكرخي]

فيروز فزينه الصبح
غنينه حد نزف النده
وشمينه دخان الجرح
شهكتة حناجرنه رطب ...
وضلوعنه صارت حطب
بس ظلت احجاياتنه ابطعم الملح
فيروز ردنه انغني مثل الناس
بس خرسه سوالفنه وبعد ما تنفضح
فيروز وعره اهمومنه وصوتج سرح
صوتج حنان الماي
واحنه اشكد عطش بينه الفرح
صوتج سمار الكاع
واحنه اكلوبنه اجفوف الفلح
صوتج خمر
واحنه سكارى ابلا خمر
صوتج شعر
واحنه قصايدنه الصبر
فيروز صحرى ارواحنه و صوتج مطر
صوتج بلابل عاشكه ...وجنه ... وشمس
واحنه سجن
صوتج حلم
صوتج وطن
واحنه وطن بس بالأسم









طارق صبار

[Nazkul]

جميل

[سمراء من قوم عيسى]

أنتقاء جميل