تعبرني الفراگين
واصيرن سجة جروح
ويمر صوت الحزن يحدي
قطار يفزز الروح
تفز روحي وتفززني
ونطيح بشوك الجروح
ويمر الصبح ويروح
ويمر الظهر ويروح
لچن آخ المُغربية
حزنها يشوغ الروح
تعذبني، تگطعني
شفت دم الشمس
بخدودها يلوح
مچهود
وتعب
وفراگ
لو مثل الگلب غرگت سِفينة نوح
أذكرج والغروب أحزان
دشداشة الغابة تشگگت بالريح
خل روحي اعلى روحي تنوح
أذكرج يا وسيعة عين
يا وسع الجرح من يمشي بالمجروح
وانا بهاي الجزيرة
تخيلت حبج مدينة والتِلال سطوح
خل روحي اعلى روحي تنوح
روحي ياروحي شبعد بيها والمها
شبعد بيها اسرار تسوة الضم وأضمها
روحي داسوا فوگها وكسروا عظمها
وجانت إللهم آخ روحي
شجانت إللهم
حتى من تنجرح تضحك
تبتسم بشفاف دمها
رد مع اقتباس
المشاركة الأصلية كتبت بواسطة عدنان الحاج عباس السعيدي
