السمة بعينك شبچ عوف الأوهام وطير
خل إيدك بديَّ لو اموت ما حلك
تذكر من احط بوسات إلك عالباب
والباب الصبح من تطلع يگلك
وتذكر من اجي الشوفتك چية الروچ
وعلى حطتك جرف ضليت ما املك
لا انا من البحر خلصان وابقى وياك
ولا جرفك يكضني وتعبت خلّك
بصراحة انت جرح، والله انت جرح
وادري من اخيطه يطيب
غلاتك لو صبر مانعني ما اشلك
بعدك والسهر والليل والآهات
تولني نهش وتشوف ما اگلك
نَسمة بعاصفة لو رحت هم الگاك
ضل باليل ماكو وميَّزت ضِلك
واندلك واجيك واگدر اوصلك
ادورك ما املّ والگاك واندلك
ولو حبة رمل عنوانك بصحراء
اشمن ريحتك بالگاع واوصلك
رد مع اقتباس
المشاركة الأصلية كتبت بواسطة عدنان الحاج عباس السعيدي
