هنا

[فقار الكرخي]

يا گمر لابد عشگت بدنيتك نجمه
وعذاب الليل شفته
يا گمر لابد صفارك من هجر وفراگ عشته
يا گمر لابد تنطّرت الدرب
ولطيفها جفنك فرشته
يا گمر لابد لگيت ايام ظلمه
وتعرف الليل و وحشّته
يا گمر لمن تغيب
انگول خيعونه الگمر راح لنجمته
وآنه ...
آنه هم عاشگ خذوا نجمة ودادي
وعرّست من غير بَسّتـه
يا گمر ،، صلفه المراكب
خلت الشاطي بحسرته
چا ،، گمر يرضيك شاطينه الحلو تغرگ فرحته؟
ويصعد لگلبي الونين ؟
يا گمر جدم الموادع
جر وراه اربع سنين
واهجس بطيف البگالي
يگطر ابعيني حنين
يا گمر ترگص عله الخاطر صورها
وتنزف عيوني عله الشاطي الحزين
آه يالشاطي الحزين
يا گمر كلما صعد لآثار رجلينه
عله رمل الشواطي
هناك يخنگني الحنين
آه يالشاطي الحزين
طلع شوك الياسمين !!








كاظم اسماعيل الگاطع

[عدنان الحاج عباس السعيدي]

[سمراء من قوم عيسى]

أنتقاء مميز
شكراااا

[شاعـر وَطــن ღ]

جميل