شلونكم يالربع ،، طبعا حبيت احجيلكم عن قصة صارت ويايه بالفيس
طبعا الشغلة صارللها تقريبا 5 سنوات ، من كنت امتلك صفحة فيس وبصراحه جنت اضوج من الفيس احس الكل تحجي مرة وحدة
ولهل السبب سويت الي صفحة حتى اكتب بيها وما دعيت اي شخص او صديق للمشاركة بيها وصرت اكتب لوحدي .. كانت متعة لما تكتب بهدوء ورغم ذلك حصلت الصفحة على 300 اعجاب بفترة شهر واحد ،، واكثرهم من العرب على العموم بيوم من الايام اجاني اعجاب من احدى الصحفات ولايكات لكتاباتي وتبدي بالتعليقات اعجابها بما اكتب وجان هالشيء عادي ووصل الحال انو تضيف يوتيوب موسيقى هادئة وتهديها الي واني اشكر صاحب الصفحة حقيقة كان شيء جميل وحسسني انو هناك من وجد ما اكتبه صدفة واهتم بيه يعني جان شعور حلو بعدها نزل صاحب الصفحة يوتيوب موسيقى بس هالمره باسم صاحب الفيس مو الصفحة وقتها عرفت انو هي بنت الصراحه زادني فضول وفتت حتى افهم منو هي ومنين لكيتها وحدة من دولة عربية ومخطوبة وحتى ناشره صور خطوبتها الصراحة قمورة البنت والله.. المهم صارت تكتب بصفحتي وطلبت انو ارد بالمثل وانشر كتابات لي بصفحتها واني ما كذبت خبر رحت نشرت بس فجاة انحذفت كتابتي طبعا اني استغربت كلت يمكن بسبب النت وبعثت الي رسالة بصفحتي انو ارجع انشر نفس الكتابة لانو انحذفت بالغلط ورجعت نشرتها وهم انحذفت
كلت شنو قابل اكو جني بالصفحة ودخلت مرة لخ وطلبت انشر وقتها كلتلها لا لازم اكو شيء ولا ممعقولة تنحذف كتابتي مرتين .. واصرت ارجعها مهما كان وقتها كالت الي كلمات ما انساها ( انو انت اسطورة وكتاباتك مستحيل تتنسى لو مئة عام واعترفت انو خطيبها كان هو من يحذف ما انشره ..) وكتها فهمت الفلم
وصار يدخل شخص لصفحتي وينشر كتابات حسرات وقهر عرفت من كتاباته انو هو .. واختفت بعدها البنت وما صارت تنشر بصفحتها وجنت اشوف صديقاتها يسالون عنها وواضح انو مشاكل علكت بينها وبين خطيبها بسببي ،، وكتها حذفت صفحتي وحذفت الفيس لان بصدق عمري ما ارتاحيت بيه ومن طلبت الهدوء اجتني سالفه لا عالبال ولا عالخاطر
وسالمين
رد مع اقتباس
المشاركة الأصلية كتبت بواسطة مرتضى علي
