ايطشر اعضام البعير!!--حسين الساعدي
ياضمير!!!
الدنيا خربت محد ابحال الفقير,
اهوايه دجاله ابوطنه الطاحوا ابنفس المصير
الجانوا ايكولون عجل وحالهم حال الأسير,,
هسه لو يضهر الحجه ايحاربونه ابهل نفير
لان صار الحكم عدهم صاير المهدي خطير!
صاير الدولار كعبه الهم وهوَ اليدير!
اجو من سوق الجداوه وصار واحدهم مدير
عدهم الشيطان يدرس درس تلميذ وصغير!
يا علي
امنين
ابتديلك...
وأحجي ومضات السعير!
من يصعدون المنابر باللسان المستجير!
كالوا احنه انوالي حيدر نقتدي ابذاك الامير
وهمه ما والوك أصلاً والوا الينطي الكثير!
انته ابو الثوب المركع وهمه باثياب الحرير!
انته نبراس الكرامه وهمه ذيل الكل حقير,,
انته جنت اتصوم يومك وتفطر ابخبز الشعير
وهمه واحدهم ابزهده ايطشر اعضام البعير!
يا ضمير!!
وياهو البحال الفقير!
حسين االساعدي
رد مع اقتباس
المشاركة الأصلية كتبت بواسطة ايــوتــة
