حيدر رد شمسها وصله بيها
شالع بابها وشايخ عليها
جا هو الطلع من ظهره الحسين
حكها الزلم يمه تضم حجيها
(منك خايفه الناس .. ظهرك شال عباس )
يا ديوانها وكوسر خواجيها
سوالفنه فشل يم علي نحجيها
يامولاي يامولاي يامولاي حيدر
المايعرف علي يكسر الخاطر
وين يروح من المهدي باجر
وخل تذب عكلها كباله الشيوخ
حيدر هو شيخ عله العشاير
(مو كل شيخ رجال .. بس حيدر الخيال )
من يلكد المهره عنانهه يشيله
أبو حسين وكفو وخيال الكحيله
حيدر حتى فوكَ العرش صله
مات بكيف رايه و موش غفلة
صارت ماصخه هواي الدواوين
حيدر هو ملح حجاية الله
(ديوانك يبو حسين .. جبير عله الدواوين )
مضيفك للكرم والطيبه والخوه
وانت بشيبتك واكَف على الكَهوه
ديوانك يحيدر فاح طيبة
ودوم تجهبك الناس الغريبة
ديوانك للمتيهين نيشان
ريحة كَهوته التايه تجيبه
(غير أهلك معازيب .. وديوانك نضح طيب )
تكرم ضيفك الوادم يعرفونك
كبل كلشي الهلا تبين على عيونك
مفهوم الكرم عندك شجاعه
معزب اربعه وعشرين ساعه
مضيفك كاع وانت عليهه فلاح
والفلاح يدري شبيهه كاعه
(الك بالكرم وكَفات .. تكرم بالعزيزات )
معتبر والعزيزة عليك تطيهه
جماغك والعبايه معارك عليهه
دخيلك والسمه من تصيحك دخيل
يالسيفك خنكَ طير الابابيل
من توكف متونك بالسمه تلوح
ويم رجلك يصير جناح جبريل
(ومن تغتاض مولاي .. غيضك يحرك الماي)
ماكَو بكَدك وماكَو بعظم شانك
جبير وشايل السبعه على ذرعانك
اداء : سيد فاقد الموسوي
كلمات : محمد الموسوي
تدوين : هاجر فاقد
رد مع اقتباس
المشاركة الأصلية كتبت بواسطة براءة العشق
