هنا

[فقار الكرخي]

يل اِلي ، لكن مـوش كلّك
يا لغــز ، يمحيّــرني حلّك
لا عكَــده وآكَعـدلك وآفلّك
ولا ساعه تنمل حتى آملّك
وشـلون يل مـــدري شكَلّك





مناطرك
هلبت تعود مناطرك
جرحي ينزف واضحك انه الخاطرك

وغنيلك غنه السبعين
حاسبينك ياحريمه وتايبين
اوصل بلحنين وياك مدري الوين





انوي اگلك انسى كلشي
ومن اشوفك
مدري ليش أنسه النويته وابقى احبك





وانه من جاساني حزنك
جاست عيوني الندامه
وشرعبتله ع النواعي

يامسيت العافيه شگد چنت احبك
صار حزنك ماله داعي





عطاب الهوى البسگوت عطاب
لا هو فرح ، لا هو دمع ، لا هو عتاب
علمنّي أغانيك حتى لو چانت أغانيك عذاب
ماني أكيف إعلى من چف الإحباب





اثكل شوية ياكلبي
مرة خليهم محطة
وانت سافر
ادري بيك تريد تبجي
ابجي وحدك انه ساكت
بس احلفك ياكلب ياجبير لا ينخطف لونك
لو شفتهم
سلّم بسرعة
ولو نشدوك تعرف واحد يكص التذاكر ؟؟





من سمارك
رضعت الحنطه سمار
وغنج شرّبت الطيور ، وفرح شرّبت الزغار
انتَ وحدك ترسم بروحي النهار
انتَ من تنزل ضحكتك يصعد بروحي الخضار





أصابيعك
مفاتيح الضوه اليندل حزن روحي ..
كل اصبع يفك شباچ للگمره ..
يذاك
إهناك
يمدلّل ..
تعال بكل بنفسج گلبك الزعلان
تعال بكل ترافة روحك الخضره
تعال لبوستي حضره ..





خذني بعيونك سوالف
خذني بگليبك حچي
ولو ثگل ضيم الليالي
اوگع بخدك بچي





ردّيت وأجدامي تخط حيرة وندم ..
ردّيت وعيوني تخط گبل القلم ..
ردّيت لحچاياتنا العايزها بس چلمة صدگ ..
وعيوننا الحلمانة بالقدّاح لو مرّة يطگ ... !!!





تجرحني وﻻ أعوفك
واخافن تثگل عيوني من اشوفك
واطيح بروحي من تجزي حطب والهب





جبنه الـفرات بـهيبته وماطفـه حر صـوابـكم
جا ليش خاويـتو الجـفه
وأگلـوبنه مـحـمله وفـه
لافض جرحـنه
ولا شـفه
ولا بخت عدنـه وجابـكم ..





حذر كلش ..
مشيت وياك خط كحله
اخاف بزله افگدنك
وهذا انت ..
مشيت وياي
تنشد بالجرح يا صوب اعورنك
يهل وادم
اثاري الـ آآخ
حايكها جريب هواي
اثاري الـ آآخ من البيك والمنك





مامش عايش يرغبك
مثل خامة چفن گلبك
حطب .. وانت بوكاحه تعاملت وياي
احرگك واگعد بگربك




خاف تشوف واحد من بعٌد مكسور

لا تحتار
هذا انه المحمل شوك اجيتك سنبله مدنكه





خذانا الواهس من بعيد
نزف شموعنا لشوكك
مشينا وايد تشبك ايد
نناغي الروح بطيوفك
العمر من غير حب شيفيد؟؟
لمني بعصرت جفوفك
يا ريحت مسچ يا هيل
عذبني ونين اليل






و احاجي دروب ما تحجي
و اكول شكد وكيحة الروح
خامة وما رضت بدموع شوكَي تبيد ولا هي تهيد
باجر بس خيالك ينزل بعيني
و تمر بية الف حسبة الف سالوفة لايام انكضت ضحكات ومواعيد
و احس وحيد
وانشف بيد واكتب بيد
و اشطوط الحزن وي دمع عيني اتزيد





ليش ما خذتو الصور بهدومكم..؟
چا مشيت وچا شفت من دونكم..!!
ليش ضيعتو المحنه..؟
عود ردناكم لهلنه..!!
شنهو بينه وطيحتنه عيونكم...!!





لو ادري المطر لو هاظ يشبه خزره عيونك
وما ادري....الربه بشيبه.
بياضه مراد للسجه قطار يدور شلونك
ياهيمه برد. يالذه المامش
مشيني عرك تغبك خليني اتمايل بكصتك
وتخليني شرب والكاس لو بس كيض بس كون اخدر ابردك





اليريدك كحل لعيونه عمر يسهر
اليحبك روحه تندلك واصابيعه
ترسمك جاي
بالك لا تحن للمو حنين
ودمه ما يزعل..!





شكو گطرة ضوه ابروحي تتيه ابسد روازينك
اجيتك گايد ايامي اچمل بيهن اسنينك
ولگيتك ضاملي الشينه
ويم غيري تذب اهناك كل زينك
•شبعد ويغزر ابعينك ؟





بللت ايدين جم ساعي بريد
انه ما ادز الرسايل ناشفه





تدنه وجيسني بروحك
طشرني خدر بهداي
اريد اغفى بدفو جروحك
ياذاك الگمر جم دوب لا تنزل ولا لوحك





كتبتك واستحت روحي
ياحزن الدفاتر ظلمة ظلمة
بسكتتك مديت اصابيعي ومتت





هذوله احنه ..
بـ مظيف عيونك مدنگين
ولا واحد حضـه بـ حلمه

آشـنحط ..
لــ مرورة المغرب
عدنه گلوب ما تسـتاهل اللچمه





وشلي بـاخبار الحبيب
الـ ما يحب
وشلي بـالعين الوسيعه
الماتشوف بـ عيني
نظرات المُحب





بملگه منك
يندفن نسرين بيه عناد شوف
ويزغر المامش وأصلي عناد دم
وتكبر اللمه وتشب عناد بير
وتضحك الديره الممحله عناد حيف
هاي كلها بملگه منك





حزن الفجر بچه العمر
والمامش احباب
هنيالنه نتانيك غبشه من الوطن
هنيالك اعله عيونه المنك بچن





تعاتبني اعله حالك . .
صار بيك الصار
جاشدل اجروحك هاي وشتوحي.





شنو فضلك عليه وحاطني وي الريح
خانگ فرحتي
ورملاتك تذري
لا مثل الخلگ وتدگ عليه الباب
وتسر خاطري ولا گلت متبري
معلگـني بأمل يادوب يشفع بيك
واتأمل حلاتك
واحتمل مري






ترف ماحسبت بية
انة وغربتي وروحي
نسولف بيك ليلية
نگول يرد
نگول يحن
وتظل عيونه ربيه





أحسك ضل يرافگني
يكبر من تجي الضلمة
ويصير خيول وحشية ويطاردني !
أروح لوين ؟






طشت..!
اسنين المحبة
ومن بگاياهن شلم..؟

مرة تغفه جروحي بيه
ومره احن وانلچم..!





آنه گربت بور الفلا
وطشيت صبري وصبرك
وسگيت ، وضميت الشمس لليل
عود انتظرك
تاليها ريحان وملح
چا هذا گدري وگدرك ؟

[رمـْـْْـْــــــــآڊ]

[ايــوتــة]

شكرا اخي فقار

[عدنان الحاج عباس السعيدي]

لك مني اجمل باقات الشكر والتقدير

[سمراء من قوم عيسى]

عاشت ايدك
اشعار جميلة