هنا

[فقار الكرخي]

بچيتك يا قصيده ليل
ويهنياله البچه بعينه



من اذكرك
اشمر الصفنة وراي
واشرب النسمة ترافة
وبيه يطفة المحترگ!
ومن اشوفك
اترس الوادم سوالف
بس سوالف مال واحد
واصل لسابع عشگ




مشكلتي اكبر وكح
بس يمج انه اختلف شايل براءة نبي
ذوقج محير الخلگ
جي تلبسيها بخجل گمت انه احب العبي




كل عام اليمر لونه آيتجدّد
اوداعتك ماعندي غيرك ،
عينك آعلى آلمالـه أحّـد



اخذني لديرة الياريت
شدني عله الحرز شباج
هلبت روحي ساعه تهيد




‏وازعلك،
لذتك بالعشگ من تغتاض
وتگطر شفافك عسل گنطاري
وارضيك بـ ولك
يابعد هاي وهاي
واتعذر سنه وما تقبل اعذاري..




سلميلي ع اخر طير مات و ماوصل دورة
مدري شبية شو تعبان والمتعبتني مضرورة



دورتهم بالهوى
ونسمة نسمة فتشت
دورتهم بالضوة
چي يشبهونه سكتت




شسوي ويطفى بيه الشوگ
اجي مشتاگ لعيونچ
وارد مشتاگلچ كلچ




وانت ذاك
اشما جزيت بـ روحي ليله
الصفنه تاخذني اعله رسمك واستريح
تبوگني ظنوني واضمـك




مرات اكولن كضت ما باقي
حسبت وكت وارتاح وتعدي
ومرات اكرهه العمر
واسأل ودور درب للمكبره يودي !




كاتلني الهدوء البيك
يبين بيك صوت الميل
شمالك ماتعرف تعيل




خصرج خصر ساعة رمل
بكتيني واعرف مو غفل




گلولها الحبچ صدگ
مايحب يسمع عنچ
گلولها ذاك بوداعچ مابچه
حب وحدة بس تشبهچ
والسبب واحد قنعه
چي هيه اثكل منج

[سمراء من قوم عيسى]

أشعار جميلة
يسلمو