شايلين
وهاي هيه وكلشي خلينا ورانه
رفكه
وحباب
وسوالف عايفين!
المهم لميينه كلشي بروحنه
وكلشي بالبيت
وشلنه بس ماندري وين
لاعلينه حباب ناحت
لابجت من شلنه عين
حباب صح عدنه لجن جنهم اجناب
مدري جنه شلون يمهم عايشين
شفنه منهم كلشي والسنهم تكول
همه ذوله اشايفين
يامحمد هاي وادم ذمة الله
سهله كلش لو حجت عل عابدين!
ودامك باعت حسين
زلمه شايب عمره كاظي
تاهمينه بطفله يمحمد عمرهه 4 اسنين
هذا وين وهاي وين!
شلون اصدك باقي دين!
شلون اظل كاعد وساكت
وانا ظهري من الخناجر كامت اطب بي ادين
شلون مايحترك دمي
ويمي يوميه يمر جتال ابوي
وانا ويروحي بحبال مشبكين
يامحمد عاشرينه الناس كلهه
وداعتك مابيهه زين
احنه ماندري
الوكت راح وتغير
مدري وادمنه غدو متغييييرين
مادرينه
حاسبين الناس لوطحنه تطيح
طحنه ويصيحون ظلو طايحين
نلوم برواحتنه بس ماندري ليش
احنه ماعدنه ذنب بس مذنبين!
ليش نكره
ليش محد يحب احد
احنه باجر رايحين.....
باجر ابطن الكبر شنكول ل الله
ربي جنه بغير شخصك ملتهين..
باطلين
احنه رب الباطلين
احنه لامنك ولامن اليعبدك مستحين..
خاف ماندري نكلك
لاجذب ندري ونشوفك شوف عين
لاتصدك بينه جذابين حيل
احنه وادم بس اسمهم مسلمين
حكيم الفريجي
رد مع اقتباس
