لا عايف حلالي ولاحك النزوه
لميت المواقف والربع بالضيج
وبسمك ياعلي وهزيتها الشجوه
بيهم راح فدوه الغيرة العباس
بيهم لشمر راح اثنعش فدوه
اكو غزرت بيهم من جنت مملوح
جنت اركض كبل ما اسمع النخوه
واكو غرزت بيهم من دستهم حيل
هلكد ما ثكيل وكاعهم رخوه
الجانو عالسرج يحجولي وعالخيل
جبتلهم فرس ما عرفوا الصهوه
الما صارو درع لمن صرت خيال
لو حافر صرت ما ريدهم حذوه
لا حارك غصن واحرك كلب فلاح
لا كاسرلي خاطر نثيه بالنهوه
لا غافي بحضن شرع الله ما مطيه
لا عايف حلالي ولاحك النزوه
لا مايل طرب يم ناس منكوبين
لا بايع ضميري ومشتري النشوه
انا بكلهن اسد بس وحده منهن لا
ما اجوع واتاني اجيبلي اللبوه
كاومني الحلم بس طومرله عيون
ماذليت رمشي الخاطر العطوه
وعاتبني الضهر طيحت جم حزام
وتعذرت منه وكتله مو هفوه
الطاحن لو رمح لو ماي لو عاكول
وين المايصيرن لضهر تجوه
احمد الذهبي
رد مع اقتباس
